Хаартыска РФ ИДьМ Амурдааҕы управлениетын сайтыттан ылылынна
Ил Дархан Айсен Николаев бүгүн Амур уобалаһыгар массыына саахалыгар Саха сириттэн төрүттээх суорума суолламмыт алта киһи дьиэ кэргэнигэр көмөнү оҥорууга суһал мунньаҕы ыытта.
Санатар буоллахха, суол саахалыгар сэттэ киһи эмсэҕэлээбитин түмүгэр, алта пассажир тыына быстыбыт.
Кинилэртэн иккитэ Мэҥэ Хаҥалас улууһун Аллараа Бэстээҕин, икки киһи Бүлүү улууһун Кыргыдай уонна Хаҕын уонна икки киһи Таатта улууһун Дэбдиргэ олохтоохторо буолаллар. Кинилэр өлүктэрэ билигин Скоровородино куорат моргатыгар сыталлар. СӨ Бырабыыталыстыбатын дьаһалтата суорума суолламмыт дьон чугас аймахтарын кытта сибээскэ таҕыста. Тустаах мунньахха СӨ Бырабыыталыстыбатын бэрэссэдээтэлин бастакы солбуйааччы Дмитрий Садовников Сковородино куоракка суорума суолламмыт дьону мэдиссиинискэй эспэртиисэни ыытыыга аймахтар бары бииргэ айанныылларын уонна кинилэри исписэлиистэр арыаллыахтаахтарын туһунан эттэ.
Мэдиссиинискэй эспэртиисэ оҥоһуллубутун кэнниттэн суорума суолламмыт биир дойдулаахтарбытын төрөөбүт дойдуларыгар аҕалыахтара. СӨ Бырабыыталыстыбатын бэрэссэдээтэлин бастакы солбуйааччы Дмитрий Садовников быһаарыытынан кинилэр дьиэ кэргэттэригэр бу күннэргэ матырыйаалынай көмө оҥоһуллуо.
Тулагы-Киллэм нэһилиэгэр өрөгөйдөөх Кыайыыны уһансыбыттар сырдык ааттарын үйэтитэр өйдөбүнньүк пааматынньыгы үөрүүлээхтик арыйыы буолла. Төрөөбүт дойдутун…
Өрөспүүбүлүкэҕэ буруйу оҥоруу уон түбэлтэтэ бэлиэтэммит. Борокуратуура буруйу оҥорууларынан процессуальнай бэрэбиэркэлэри уонна холуобунай дьыалалары хонтуруолга…
Помудуору олордуох иннинэ, арассаадаҕа икки-үс хонукка уу куппаппыт, оччоҕуна умнаһа сымныыр, ону буорга эрийэ тутан…
Үөрэх уонна билим миниистирин бастакы солбуйааччы Михаил Присяжнай үөрэххэ туттарсааччыларга анаан үгэс быһыытынан быһа эпииргэ…
Күн-дьыл туруга бу күннэргэ хайдаҕый? Өрөспүүбүлүкэ арҕаа өттүгэр кыралаан ардыыр, соҕуруу диэки сорох сиринэн ардах…
Хой Олус ситиһиилээх күн Онон сөптөөхтүк дьаһаннаххына, үп-харчы, дьиэ кэргэҥҥэ үөрүүлээх түгэннэр үгүс буолуохтара. Бары…