Массыына умайан, киһи суорума суолланна

Олунньу 4 күнэ үүнэр түүнүгэр Өлүөхүмэ улууһун Саҥыйахтааҕар «Митсубиси-Паджеро» массыына умайда, онно киһи суорума суолланна диэн Ыксаллаах быһыы-майгы министиэристибэтин пресс-сулууспата иһитиннэрэр.

Быһылаан тахсыбыт сиригэр 5 киһилээх добровольнай баһаарынай хамаанда 6 мүнүүтэнэн тиийбит. Кинилэр тиийиилэригэр массыына бүтүннүү умайбыт.
Хомойуох иһин, массыына умайыытыгар 1993 сыл төрүөх эр киһи суорума суолламмыт. Баһаар тахсыбыт биричиинэтэ, буруйдаах уонна хоромньу быһаарыллаллар.

Санатан эттэххэ, Өлүөхүмэ улууһун Саҥыйахтааҕа улуус кииниттэн 200 км тэйиччи сытар.