Хаартыска: pxhere.com/ru/photo
Бу күннэргэ ИДьМ Алдан оройуонунааҕы салаатын үлэһиттэрэ массыынанан сорудахха баран истэхтэринэ суолга итирик, куттаммыт дьоннор тахсан кэлбиттэр.
Быһаарсыы түмүгэр биллибитинэн, кинилэртэн биирдэстэрэ олохтоох киһи массыынатын уорууга кыттыгастааҕа биллибит.
Полиция суһал көрдүүр үлэһиттэрэ быһаарбыттарынан, Новосибирскайтан сылдьар 33 саастаах баахтанан үлэлиир киһи, учаастак начаалынньыгыттан көҥүллэтэн, бииргэ үлэлиир киһитин кытта Алдан куоракка кэлбиттэр, арыгылаабыттар. Уорбаланааччы массыына турарын көрөн учаастакка массыынанан төннөргө быһаарыммыт. Суоппар өттүнээҕи аан аһаҕас буолан биэрбит, боробуоттарын холбоон собуоттаабыт, итирик табаарыһын массыынаҕа олордубут уонна айанныы турбут.
Якокит сэлиэнньэ аттыгар уруулга олорооччу утуйан, массыыналара суолтан тахсан хаалбыт. Учаастакка диэри тыа быыһынан сатыы барарга быһаарыммыттар эрээри, эһэни көрөн массыыналарыгар төннөргө күһэллибиттэр. Кэлбиттэрэ массыыналара буруолуу турар эбит. Тугу да гыныахтарын билбэккэ суолга тахсаат, оруобуна полиция массыынатыгар кэтиллэ түспүттэр.
Массыынаны уоруунан Холуобунай кодекс 166 ыст. 1 ч. холуобунай дьыала тэриллибит. Уорбаланааччы ханна да барбатыгар уонна бэрээдэги тутуһарыгар баппыысканы толорбуттар. Массыына хаһаайыныттан бырастыы гынарыгар көрдөспүт, хоромньу ороскуотун төлөөбүт. Бу туһунан ИДьМ телеграмыгар суруйаллар.
Төрөөбүт тыл уонна сурук-бичик күнүн чэрчитинэн Ил Түмэҥҥэ “СӨ судаарыстыбаннай уонна официальнай тыллара: кыһалҕата, кэскилэ”…
Суут бириистэптэрин Дьокуускай куораттааҕы отделениета 300-тэн тахса тыһыынча суумаҕа оҥоһуллубут хоромньуну ирдиир туһунан быһаарыыны таһаарда.…
“Госуслуга” биир кэлим порталыгар бэйэҥ иэскин эрэ буолбакка, атын дьон эбэтэр тэрилтэлэр иэстэрин бэрэбиэркэлиир өҥө…
СӨ Бырабыыталыстыбатын 2025 сыллааҕы үлэтин отчуоттуур сүбэ мунньаҕа Үөһээ Бүлүү нэһилиэгэр ыытылынна. Мунньаҕы СӨ Бырабыыталыстыбатын…
Дьааҥы улуустарын икки ардыларынааҕы борокуратуурата Адыаччы нэһилиэгин бэрэстэбиитэллээх уорганын дьокутааттарыттан биирдэстэригэр буруйдааһын түмүгүн бигэргэттэ. Кини…
Бүгүн, олунньу 12 күнүгэр, Саха Өрөспүүбүлүкэтигэр биллэриллибит Култуура сылын сырдатыыга, тэрийсиигэ аналлаах “төгүрүк остуол” суруналыыстары…