Хаартыска: pxhere.com
Арассыыйаҕа массыына ыытар быраабы ылар эксээмэни, мэдиссиинэ ыспыраапкатын көрдөрбөккө эрэ туттарары көҥүллүөхтэрин сөп. Ити туһунан РФ ИДьМ бэлэмнээбит, дойду Бырабыыталыстыбатын уурааҕын бырайыагын быһаарар суругар ыйыллар диэн ТАСС суруйар.
“Уураах бырайыагар реестергэ (доруобуйа харыстабылын эйгэтин единэй судаарыстыбаннай информационнай систиэмэтигэр толоруллар докумуон) сайаапканы биэрээччи туһунан сибидиэнньэ киирбит буоллаҕына, мэдиссиинэҕэ түмүгүн ирдииртэн босхолуур балаһыанньа көрүллэр,” – диэн быһаарар сурукка этиллэр.
Докумуоҥҥа олоҕуран, суоппардарга эбэтэр суоппар аатын сүгээри сылдьар хандьыдааттар массыына ыыталлара мэдиссиинэ өттүнэн бобулларын, көрүллэрин эбэтэр хааччахтааҕын туһунан мэдиссиинэ түмүгэ баарын (суоҕун) туһунан электроннай докумуон көрүҥүнэн мэдиссиинэ тэрилтэтигэр түмүллүөҕэ. Маны докумуоннар федеральнай реестердэригэр киллэриэхтэрэ. ИДьМ уонна Доруобуйа харыстабылын министиэристибэтэ биэдэмэстибэлэр электроннай бииргэ үлэлэһиигэ единэй систиэмэлэрин туһанан мэдиссиинэ көрүүтүн түмүгүн сибидиэнньэтин атастаһыахтара.
Итини тэҥэ, докумуоҥҥа сурулларынан, теория эксээмэнин кэнниттэн быраактыкаҕа эксээмэни 60 күн иһинэн туттарар туһунан этии көтөҕүллэр. Күн бүгүн ити болдьох 6 ыйга тэҥнэһэр. Бу туһунан ТАСС суруйар.
Олунньу 7 күһүгэр Кэбээйи улууһун Мукучу нэһилиэгин "Дэриэбинэчээн" норуот тыйаатыра Бүлүү куоратыгар Марк Жирков аатынан…
2026 сылтан байыаннай дьайыы кыттыылаахтара Арассыыйа социальнай пуондаларын доруобуйаны чөлүгэр түһэрэр кииннэригэр барар айаннарын төлөбүрүн…
Дьокуускайга олунньу ортотто VolgaBas мааркалаах 50 саҥа оптуобус маршуттарга тахсыаҕа. 40 саҥа суоппар үлэлиирэ күүтүллэр.…
Сорох үүнээйи, оҕуруот аһын сиэмэлэрин ыһыы болдьоҕо хайыы үйэ кэллэ. Өлгөм үүнүүнү ыларга арассаадаҕа олордуллар…
Анал байыаннай дьайыы саҕаламмыта төрдүс сылыгар барда. Бу сыллар тухары Саха сирин олохтоохторо, түмсүүлэр, хамсааһыннар,…
Аҕа дойдуну көмүскээччи кэргэнигэр, оҕо күүтэр дьахтарга бэриллэр босуобуйа суумата олунньу 1 күнүттэн үрдээтэ. Бу…