СӨ ИДьМ Госавтоиниспиэксийэтин управлениета
Бэҕэһээ, кулун тутар 5 күнүгэр, «Бөтүҥ» айан суолун 152 км массыына саахала буолбут.
Саахал тахсыбыт сиригэр Госавтоиниспиэксийэ үлэһиттэрэ суһаллык тиийбиттэр.
Бэрэбиэркэ түмүгүнэн, 1987 с.т. дьахтар Тойота Карина массыынаны Мындаҕаайыттан Чурапчы диэки ыытан иһэн, салайаары уруулун кыайан туппатах. Ол түмүгэр кэккэлэһэ балаһаҕа тахсан, суолга утары иһэр Тойота Королла Филдер массыынаны кытта харсыспыт. Бу массыынаны 1973 с.т. киһи ыытан испит.
Саахал түмүгэр, массыынаны ыытан испит дьахтары балыыһаҕа көрөн бараннар, эчэйиилэрдээҕин быһаарбыттар, балыыһаҕа сытан эмтэниини анаабыттар.
Тойота Каринаҕа суоппары кытта кэккэлэһэ инники олбоххо пассажир курун бааммакка эрэ олорсон испит. Киниэхэ балыыһаҕа таһыттан эмтэнии анаммыт.
Тойота Карина суоппара В, В1, М категорияларга суоппар дастабырыанньалаах, 5 сыл массыына ыыппыт ыстаастаах. Сыл устатыгар суол быраабылатын кэһэн административнай эппиэтинэскэ 14-тэ тардыллыбыт. Курун (ремень безопасности) бааммакка сылдьыбыт.
Тойота Королла Филдер массыына суоппара В, В1 категорияларга дастабырыанньалаах, 16 сыл массыына ыыппыт ыстаастаах. Административнай кэһиитэ суох, массыынатыгар курун бааммыт. Суоппардар иккиэн арыгы испэтэхтэр. Тойота Королла Филдер массыынаҕа биир пассажир олорсон испит. Киниэхэ мэдиссиинэ көмөтө оҥоһуллубут. Суоппар таһыгар инники олбоххо олорсон испит, курун бааммыт. Саахал тахсыбытынан бэрэбиэркэ ыытыллар.
Суоппардар, айанньыттар, суол быраабылатын тутуһаргытыгар көрдөһөбүт. Суолга сэрэхтээх буолуҥ. Куру баанаргытын умнумаҥ. Бэйэҕитин уонна чугас дьоҥҥутун харыстааҥ.
СӨ ИДьМ Госавтоиниспиэксийэтин управлениета
Аҕа дойду сэриитигэр Улуу Кыайыы үбүлүөйдээх 80 сылын тэрээһиннэрин түмүктүүр "Уоттаах сэрии сылларыгар" кинигэ биһирэмэ…
СӨ Бырабыыталыстыбатын Бэрэссэдээтэлин бастакы солбуйааччы Дьулустаан Борисов "Үтүө санаа харыйата" аахсыйаҕа кыттыыны ылла. Адаптивнай үөрэх…
sakha-sire.ru саайт «Кэпсээннэ истиэҕиҥ» диэн бырайыагар «Саха сирэ» хаһыат суруналыыһа, суруйааччы Ангелина Васильева-Дайыына "Хаарчаана бэлэҕэ"…
Бастыҥ волонтерскай көҕүлээһиннэр уонна устудьуоннар түмсүүлэрэ "Уһук Илин сулуһа" бириэмийэнэн бэлиэтэннилэр. РФ Бырабыыталыстыбатыгар сыл ахсын…
Бэрдьигэстээххэ кырдьаҕастар уонна инбэлииттэр олорор социальнай дьиэлэригэр сэргэх тэрээһин буолла. Саҥа дьылы көрсө манна социальнай…
Бу күннэргэ Дьокуускайга Арчы дьиэтигэр сырдык санааны саҕар ис хоһоонноох дьоро тэрээһин буолан ааста. Бу…