Массыыналар харсыспыттар

Алтынньы 21 күнүгэр 17:35 чугаһыгар РФ ИДьМ Алдан улууһунааҕы отделениетын дьуһуурунай чааһыгар ВЛКСМ 50 сыла уул. турар 4 №-дээх дьиэттэн чугас суол-тырааныспар быһылаана буолбутун туһунан иһитиннэрии киирбит.

Тиийбит ДПС нэрээтэ быһаарбытынан, ТОЙОТА КОРОЛЛА ФИЛДЕР массыынаны ыытан испит 1977  с.т. киһи Горькай уулуссаттан  ВЛКСМ 50 сыла  уулуссанан Тепляков уул. диэки баран иһэн, Якутскай пер. утары иһэр тырааныспарга туораан биэрбэккэ, ТОЙОТА КОРОЛЛА СПАСИО массыынаны кытта харсыспыт. Ол түмүгэр массыынаны ыытан испит 1980 с.т. киһи көлөтө ТОЙОТА ЭКСВАЕР массыынаҕа саайыллыбыт. Суол-тырааныспар быһылааныгар ТОЙОТА КОРОЛЛА СПАСИО массыынаҕа олорсон испит сокуоннай сааһын туола илик кыыс эчэйиини ылбыт. ДТП кэмигэр кини инники олбоххо хаҥас өттүгэр оҕону олордор анал олбоххо олорсон испит.

Сокуоннай сааһын туола илик кыыс ааһан иһэр тырааныспарынан Алдан оройуоннааҕы киин балыыһатыгар илдьиллибит, тастан эмтэнии анаммыт.

Госавтоиниспиэксийэ суолга сэрэхтээх буоларгытыгар, суол быраабылатын тутуһаргытыгар сүбэлиир.