Хаартыска: Алексей Жирухин.
Массыынанан айанньыттар Александр Еликов уонна Алексей Жирухин Арассыыйа Илин өттүттэн Арҕаа өттүгэр диэри эспэдииссийэ бастакы түһүмэҕин түмүктээтилэр.
Кинилэр айаннарын Дьокуускай куораттан кулун тутар саҥатыгар саҕалаабыттара. Дежнев тумулугар диэри тиийдилэр. Онно Уэлен бөһүөлэк – Арассыыйа уонна Евразия саамай илиҥҥи нэһилиэнньэлэх пууна баар.
Дьокуускайтан тумулга диэри кыһыҥҥы суолунан үс нэдиэлэ кэриҥэ айаннаатылар. Сайын иккис түһүмэх саҕаланар — Владивостоктан Калининградка диэри.
“Биһиги сорукпут – тоҕоостоох туризмы көрдөрүү. Оннооҕор бу курдук массыынанан Арассыыйа саамай илиҥҥи нэһилиэнньэлээх пуунугар тиийиэххэ сөбүн көрдөрдүбүт. Ону таһынан, Уэлен чугаһыгар өссө биир сэлиэнньэ баар – Инчоун. Онно кыра массыыналар букатын хаһан даҕаны тиийэ сылдьыбатахтар, оттон биһиги тиийдибит. Хайдах курдук соһуйбуттарын санаан да көрбөт буолуохтааххыт. Олохтоох дьон хаһан даҕаны маннык тырааныспары көрбөтөхтөр. Оҕолор биһигини букатын даҕаны төгүрүйэн кэбистилэр, ыытыахтарын баҕарбаттар, оттон улахан дьон биһиги хайдах тиийбиппитин сатаан санаабаттар” – диэн Алексей Жирухин санаатын үллэстэр.
Массыынанан айанныыр блогердар Инчоунтан Анадырьгар диэри тиийбиттэр, массыыналарын онно хаалларбыттар. Сайын массыыналарын муоранан Владивостокка диэри ыытыахтара итиэннэ эспэдииссийэ саҥа түһүмэҕин саҕалыахтара: маҥнай Уһук Илин саамай соҕуруу өттүгэр сылдьыахтара, салгыы Приморскай, Хабаровскай кыраайынан, Амур уобалаһынан айанныахтара уонна Арассыыйа Илин, Арҕаа маршруттарын ситимниир туһугар Калиниградка аттаныахтара.
Айанньыттар төрүт олохтоох омуктары көрдөрөллөрүн таһынан, Кыайыы 80 сылыгар фроҥҥа көхтөөхтүк көмөлөспүт куораттар, бөһүөлэктэр туһунан кэпсиир былааннаахтар. Туспа сиэрийэнэн “Аляска-Сибиир” салгын трассатын сырдатыахтара. Бу туһунан Ил Дархан уонна Бырабыыталыстыба пресс-сулууспата суруйар.
Саҥа дьыл барахсан, оннук-маннык итэҕэллэргэ, кирдээх бэлиитикэҕэ умньамматах, соҕотох алыптаах, оҕотуттан оҕонньоругар тиийэ дуоһуйа, астына…
Саха сирэ хорсун-хоодуот дьонунан аатырар, дойду устуоруйатыгар элбэх дьоруойу бэлэхтээбитэ, олор истэригэр Аҕа дойду Улуу…
Ааспыт сууккаҕа Саха сиригэр буруйу оҥоруу сэттэ түбэлтэтэ тахсыбыт. Манан процессуальнай бэрэбиэркэни ыытыыны уонна холуобунай…
«Якутскэнерго» ПАУо өрөспүүбүлүкэ олоҕо-дьаһаҕа бигэ туруктаах буолуутугар уотунан-сылааһынан хааччыйар дьоһун суолталаах тэрилтэнэн буолар. Хампаанньа генеральнай…
Бүгүн, тохсунньу 11 күнүгэр, өрөспүүбүлүкэ соҕуруулуу-арҕаа, хотугулуу-илин, илин өттүгэр кыралаан хаардыаҕа. Киин, арҕаа оройуоннарга туманнаах…
Бүгүҥҥү күн – наҕыл, сымнаҕас уонна дьиэҕэ-уокка чугас дьону кытта сынньанарга табыгастаах кэм. Ый Оҕус…