Массыынанан дьон дьиэтин күрүөтүгэр кэлэн түспүт

Бүгүн, атырдьах ыйын 25 күнүгэр, сарсыарда  9 ч. саҕана Дьокуускай куоракка  Тускул түөлбэҕэ  суол быһылаана таҕыста.

Куораттааҕы госавтоиниспиэксийэ иһитиннэрбитинэн,   суоппар ыытар бырааба суох 2003  с.т. эр киһи  Тойота Аллион  массыынанан Иосиф Николаев уул. өттүттэн айаннаан иһэн,  Сайдыы уул. 16 дьиэтин таһыгар уот ситимин остуолбатыгар кэтиллэн баран, чааһынай дьиэ күрүөтүгэр  кэлэн түспүт.

Ол түмүгэр 2004 сыллаах төрүөх пассажир суорума суолламмыт.  Билигин быһылаан тахсыбыт сиригэр Госавтоиниспиэксийэ үлэһиттэрэ үлэлииллэр.