Хаартыска: Киин куорат Госавтоинспекцията.
Бэҕэһээ киэһэ Эргэ Табаҕаҕа киириигэ суол кытыытынан баран иһэр оҕолору массыына таарыйан ааспытын, оҕолор балыыһаҕа киирбиттэрин туһунан сурах түргэнник тарҕаммыта. Бу суоппары туппуттар.
“Тойота Камри” мааркалаах судаарыстыбаннай регистрационнай нүөмэрэ суох массыынаны ыытан иһэр 42 саастаах эр киһи Эргэ Табаҕаҕа баран иһэн скоростной эрэсиими тутуспакка итиэннэ уруулун кыайан салайбакка, суол кытыытынан баран иһэр оҕолору таарыйан ааспыта быһаарыллыбыта. Ол кэнниттэн кини суол быраабылатын кэһэн туран, быһылаан тахсыбыт сириттэн куоппут. Сокуону кэһээччини аҕыйах мүнүүтэ иһигэр булбуттара. Бэрэбиэркэ түмүгүнэн итирик туруктааҕа, арыгы иһии туругун бэрэбиэркэлээһин 1,14 мг/л көрдөрбүтэ быһаарыллыбыта. Ону тэҥэ, бу киһи массыына ыытар дастабырыанньата суох. Киниэхэ РФ Административнай быраабы кэһии кодексатын 12.8 ст. 3 ч. административнай матырыйаал толорулунна.
Суол саахалын түмүгэр 17 саастаах тостуулаах уонна хайыта тардыллыбыт баастаах икки оҕону балыыһаҕа киллэрбиттэрэ. Үһүс оҕону тастан эмтэнэргэ ыыппыттара. Оҕолор бары сырдыгы тэйитэн көрдөрөр бэлиэтэ (элэмиэнэ) суох сылдьыбыттар”, – диэн ГИБДД салаата иһитиннэрэр.
Гражданскай оборуона дьыалаларын уонна нэһилиэнньэҕэ куттал суох буолуутун хааччыйар министиэристибэтин кэлэктиибэ, Саҥа дьылы көрсө байыаннай…
Борокуратуура ирдэбилин түмүгэр Саха сирин бүддьүөтүгэр 1,5 мөл. солкуобай төннөрүлүннэ. Горнай оройуонун борокуратуурата өрөспүүбүлүкэ борокуратууратын…
ИДьМ сулууспатын 2 №-дээх полициятын отделын дьуһуурунай чааһыгар балыыһаттан Дьокуускай куорат олохтооҕо төбөтүн эчэтэн, балыыһаҕа…
СӨ Ил Дархана Айсен Николаев Арассыыйа Дьоруойа Дмитрий Николаевич Егоров огдооботугар Надежда Алексеевна Андрееваҕа, байыаннай…
WhatsApp* (Арассыыйаҕа экстремисткэйинэн билиниллибит уонна бобуллубут Meta хампаанньа бас билиитэ) сокуон ирдэбиллэрин толорботох түгэнигэр үлэтэ…
Ил Түмэҥҥэ туһаайан этиитигэр өрөспүүбүлүкэ баһылыга Айсен Николаев чэпчэтиилээх эминэн хааччыйыыны бигэтик үбүлүүр соругу туруорда.…