Массыынаны алдьатан сокуон иннигэр эппиэттиэҕэ
16.02.2026, 17:08
https://pxhere.com/ru
Бөлөххө киир:
Ленскэй оройуонугар биир киһи «ВАЗ-2121» массыынаны алдьатан, холуобунай дьыалаҕа эрилиннэ. Бу туһунан ИДьМ пресс-сулууспата иһитиннэрдэ.
Олохтоох полиция отделыгар киирбит сайабылыанньаҕа суруллубутунан, кимэ биллибэт киһи элбэх кыбартыыралаах дьиэ таһыгар турбут массыына түннүктэрин алдьаппыт. Инньэ гынан сайабылыанньалаах киһиэхэ 13 500 солк. хоромньу тахсыбыт.
Суһал-ирдиир үлэ кэмигэр полицейскайдар уорбаланааччыны — 23 саастаах олохтоох киһини туппуттар.
Быһаарыллыбытынан, уорбаланааччы гарааска табаарыстарын кытары арыгылыы олорбут. Ханнык эрэ кэмҥэ эр киһи урукку хом санаатын өйдүү биэрэн, эмсэҕэлээччи дьиэтигэр баран массыынатын түннүктэрин тимир турбанан охсуталаабыт. Ол кэннэ гарааска төннөн, салгыы арыгылаабыт.
Билигин эр киһиэхэ РФ Холуобунай кодексын 167 ыст. 1 ч. («Умышленные уничтожение или повреждение имущества») холуобунай дьыала көбүтүллүбүт.
Сообщить об опечатке
Текст, который будет отправлен нашим редакторам: