Массыынаны ситээри түҥнэстибит

Ис дьыала министиэристибэтин Мэҥэ Хаҥалас оройуонунааҕы  дьуһуурунай чааһыгар  тохсунньу 27 күнүгэр 08 чаас 45 мүнүүтэҕэ массыына суолтан тахсан түҥнэстибитин туһунан иһитиннэрии киирбит.

Бу туһунан Мэҥэ Хаҥаластааҕы Госавтоиниспиэксийэ  телеграм ханаалыгар суруйар. Ол курдук бэрэбиэркэ кэмигэр биллибитэ,  «Амма» суол  07 км +600 м. 1980 сыллаах төрүөх суоппар   Хонда Фит  массыынанан Майаттан Аллараа Бэстээх диэки айаннаан иһэн, иннигэр баран иһэр массыынаны ситэн ааһаары уруулун сатаан туппакка суолтан тахсан түҥнэстибит.

Массыынаҕа икки пассажир олорсон испит.  Саахал түмүгэр биир пассажир эчэйиини ылан Мэҥэ Хаҥаластааҕы киин балыыһаҕа көрдөрбүт.