Массыынаттан 100 тыһ. солк. үнүстүрүмүөнү уорбут

Дьокуускай куорат 2-дээх полиция отделыгар  массыынатыттан үнүстүрүмүөнүн уордарбыт олохтоох эр киһиттэн сайабылыанньа киирбит. Хоромньу уопсай кээмэйэ 100 000 солк. тахса.

Суһал-ирдиир үлэ түмүгэр холуобунай ирдэбил үлэһиттэрэ уорууга уорбаланар, урут сууттана сылдьыбыт  42 саастаах эр киһини туппуттар.

Ол курдук уорбаланааччы түүн Кулаковскай уулуссаҕа  тиэргин иһинэн ааһан иһэн, кузова аһаҕас  массыынаны көрө биэрбит. Итиэннэ ким да суоҕун көрөн, массыынаттан үнүстүрүмүөннэри уорбут. Уорбут малын атыылаабыт уонна ол харчытын бэйэтин наадатыгар туһаммыт.

Билигин эр киһиэхэ РФ Холуобунай кодексын 158 ыст. 2 чааһынан холуобунай дьыала көбүтүллүбүт.