Хаартыска: Андрей Сорокин, СИА.
Дьокуускай куорат 3-с нүөмэрдээх полиция отделын дьуһуурунай чааһыгар гараастан массыынатын тиэхиньикэтин уордарбыт олохтоох киһиттэн сайабылыанньа киирбит. Хоромньу уопсай суумата — 20 тыһ. солк. тахса.
Суһал-ирдиир үлэ кэмигэр уорбаланааччы ким буолара быһаарыллан, Амурскай уобаластан төрүттээх, урут сууттана сылдьыбыт 19 саастаах эр киһи тутуллубут.
Ол курдук эмсэҕэлээччи Беринг уулуссаҕа олорор аймахтарын көрсө кэлбит. Онно аймахтарын гараастарыттан билбэт киһитэ ититэр тэрили (обогреватель) уонна радиаторы тутан тахсан иһэрин көрбүт. Тоҕо дьон гарааһыттан тиэхиньикэни ылан таҕыстыҥ диэн ыйыппытыгар, эр киһи ититэр тэрили уонна радиаторы урут манна хаалларан баран, дьиэ ылан баран эрэрин туһунан эппит. Эр киһи итэҕэйбит, ол эрээри дьиэлээх хаһаайкаттан чопчуласпыт. Ону дьахтар туора дьон тиэхиньикэ уурдарбатахтара диэн соһуйбут. Онон гарааска иккиэн тахсан көрбүттэрэ, эмсэҕэлээччи массыынатын капота аһаҕас турар эбит. Уоруйах массыынаттан радиаторы уонна ититэр тэрили сойботон барбыт. Тута эр киһи уоруу туһунан полицияҕа тыллаабыт.
Бэрэбиэркэ кэмигэр быһаарыллыбыта, уоруйах эр киһи аймахтарын дьиэлэриттэн чугас олорор эбит. Итиэннэ кинилэр гараастарыгар сүүрбэт массыына турарын билэр буолан, массыыната алдьаммытыгар атын тиэхиньикэни уорарга санаммыт. Уорбут обогревателын бэйэтин массыынатыгар туруорбут, оттон радиаторы дьиэтин подъеһыгар кистээбит.
Билигин эр киһиэхэ РФ Холуобунай кодексын 158 ыст. 2 чааһынан холуобунай дьыала көбүтүлүннэ.
Кэлин уопсастыба майгыта, бэйэ-бэйэтигэр сыһыана сатарыйда дии санаабаккыт дуо? Кынчарылла туран саастааҕын, үйэ аҥаара эрдэлээн…
СӨ Бырабыыталыстыбатын бэрэссэдээтэлин солбуйааччы Сергей Местников Историктар уонна кыраайы үөрэтээччилэр сойуустарын бастакы уопсастыбаннай бириэмийэлэрин туттарда.…
Бу күннэргэ Амма улууһун Эмис нэһилиэгин киин куоракка ыытыллар күнүн чэрчитинэн бэрт дириҥ ис хоһоонноох…
РФ Бэрэсидьиэнэ Владимир Путин Дьокуускай төрүттэммитэ 400 сылын бэлиэтиир бырааһынньыгы 2032 сыллаахха ыытар туһунан ыйаахха…
Өссө 1894 сыллаахха туруоруллубут «Сильва» опереттаны венскэй оперетта ситэри сыаналамматах жанрынан ааттыыллар. Ол да иһин,…
Алдан оройуонунааҕы РФ ИДьМ отделениетын бастаан силиэстийэлиир уоргана үлэҕэ киирэргэ сымыйа докумуоннары туһаммыттарынан холуобунай дьыаланы…