Массыынаттан көлүөһэлэрин устан ылбыт

Дьокуускай куоракка массыынаттан түөрт көлүөһэни уорбуттарынан РФ Холуобунай кодексын 158 ыст. 2 чааһынан холуобунай дьыала көбүтүлүннэ.

Киин куоракка полиция отделыгар  «ВАЗ-2107» массыынатыттан түөрт көлүөһэтин уордарбыт  олохтоох киһиттэн сайабылыанньа киирбит. Суһал-ирдиир үлэ кэмигэр  полицейскайдар 22 саастаах Томпо улууһуттан төрүттээх уорбаланааччыны туппуттар.

Быһаарыллыбытынан, эдэр киһи олорор уокуругар  «Жигули» массыына турарын бэлиэтии көрбүт.  Массыына   быраҕыллан турар, хаһаайына суох дии санаабыт.  Эр киһи көлүөһэлэри устан ылан, бэйэтин массыынатыгар кэтэрдибит.