Массыынатын былдьатан, 3,5 мөл.солк. суумалаах алимены төлөөбүт

Мэҥэ Хаҥалас 49 саастаах олохтооҕо суут быһаарыытынан ый ахсын 3 оҕотугар 30 тыһ.солк. кээмэйдээх алимены ыытар эбээһинэстээх эбит, ол эрээри 5- тии тыһ.солк. эрэ төлүү сылдьыбыт.

Эр киһи баайын-дуолун бэрэбиэркэлээһин түмүгүнэн, бас билиитигэр сир учаастактааҕа, оройуоҥҥа дьиэлээҕэ, киин куоракка кыбартыыралааҕа, ону тэҥэ хас да тырааныспардааҕа биллибит.

Суут бириистэптэрэ массыынаны былдьаабыттарын кэнниттэн, элбэх оҕолоох ыал аҕата 3,5 мөлүйүөн солкуобайдаах алимеҥҥа иэһин толору төлөөбүт, диэн СӨ Суут бириистэптэрин пресс-сулууспата иһитиннэрэр.