Массыынатын былдьатымаары иэһин төлөөбүт

Дьокуускай куорат олохтооҕо массыынатын былдьатымаары, 200 тыһ. солк. иэһин төлөөбүтүн туһунан СӨ Суут бириистэптэрин управлениета иһитиннэрдэ.

Дьахтар кирэдьиит тэрилтэтигэр 200 тыһ. солк. иэстээх эбит.

Суут быһаарыыта тахсан, бириистэп дьахтар  массыынатын арестыыр сыаллаах олорор сиринэн тиийбит. Ол гынан баран  дьахтар дьиэтигэр суох эбит.  Төлөпүөнүнэн дьахтарга эрийэн суут бириистэптэр суут быһаарыытын толорботоҕуна, тырааныспара арестанарын  туһунан  эппиттэр. Онон  дьахтар массыынатын былдьатымаары иэһин барытын төлөөбүт.