Массыынатын өрөмүөннүү сылдьан өлбүт

СӨ Борокуратуурата иһитиннэрбитинэн, Таатта улууһун Булун сэлиэнньэтигэр  киһи өлүүлээх түбэлтэ таҕыста.

Ол курдук,  1967 сыллаах төрүөх киһи гарааһыгар  «Тойота Ипсум» массыынатын өрөмүөннүү сылдьан, массыынатыгар баттаппыт.

Ааспыт сууккаҕа өрөспүүбүлүкэҕэ  буруйу оҥоруу  5 түбэлтэтэ таҕыста.  Ол иһигэр Дьокуускайга  1971 сыллаах төрүөх киһини өлөрбүттэр, буруйданааччы ким буолара биллибит.

Алдан куоракка  түөкүннээһиҥҥэ сайабылыанньа киирбит. Биир дьахтартан албыннаан туран  210 тыһ. солк. уорбуттар.

Өрөспүүбүлүкэ киин куоратыгар  «Тойота Филдер» массыынаны күрэтэн барбыттара билиннэ.