Хаартыска Мэҥэ Хаҥалас улууһун дьаһалтатын пресс-сулууспатыттан
От ыйын 27 күнүгэр, СӨ «Судаарыстыбаннай сакаасчыт сулууспата» тэрилтэ генеральнай дириэктэрин солбуйааччы Владимир Жирков оробуочай сырыытын чэрчитинэн, Мөҥүрүөн нэһилиэгэр (Матта сэлиэнньэтэ) кырдьаҕастар олорор дьиэлэрин тутуута хайдах баран иһэрин билистэ.
Оробуочай бөлөххө киирсэн улуус тутууга салалтатын салайааччыта Илья Григорьев, «Электромонтаж» ХЭТ кылаабынай инженерэ Людмила Захарова, Мөҥүрүөн нэһилиэгин баһылыга Иннокентий Андросов эбийиэккэ сырыттылар.
Бу туһунан Мэҥэ Хаҥалас улууһун дьаһалтатын пресс-сулууспата иһитиннэрэр.
Манна өрөспүүбүлүкэтээҕи кырдьаҕас дьон олорор киэҥ уораҕайдара тутулла турар, 2025 сылга олоххо киириэхтээх. Тутуу сыбаайалара түһэннэр, бастакы этээһэ тутуллан эрэр.
Тутааччылар Владимир Жирковка үлэ хаамыыта хайдах баран иһэрин көрдөрдүлэр, туох ситэн-хотон иһэрин, эбии өссө туох наадатын билиһиннэрдилэр.
«Эбийиэк «Демография» национальнай бырайыак чэрчитинэн, федеральнай уонна өрөспүүбүлүкэ бүддьүөттэрэ өйөөһүннэринэн тутуллан эрэр. Үлэни бэдэрээччит «Электромонтаж» ХЭТ ыытар, эбийиэккэ 31 киһи үлэлии-хамсыы сылдьар. Үлэ гыраапык быһытынан баран иһэр», — СӨ «Судаарыстыбаннай сакаасчыт сулууспа» тэрилтэ генеральнай дириэктэрин солбуйааччы Владимир Жирков кэпсээтэ.
Оттон «Электромонтаж» ХЭТ кылаабынай инженерэ Людмила Захарова: «Былаан быһыытынан быйыл дьиэ көҥдөйө бүтүөхтээх. Үлэ тиһигин быспакка салҕанан барар. Матырыйаалларбыт кэмигэр кэлэллэр. Кырдьаҕастар олорор дьиэлэрэ 51 миэстэлээх буолуохтаах. Инфраструктуратын туһунан сырдатар эбит буоллахха, манна киэҥ саала, остолобуой, искибиэр, сынньанар сир, ыскылаат, хараас уонна дьон дьарыктаах буоларыгар мастарыскыайдар баар буолуохтара. Тутуу «Н» буукуба курдук быһыылаах буолуо. Биир өттө эмтэнэр сирдэрэ, биир өттө олорор куорпустара».
Сааһырбыт аҕам саастаах көлүөнэ дьон үрдүттэн олорон сынньаналларыгар-эмтэнэллэригэр олус табыгастаах, тупсаҕай тутуулаах киэҥ-куоҥ уораҕай аны аҕыйах сылынан Мэҥэ Хаҥалас улууһугар дьэндэйэн тахсан үлэлиэ-хамныа турдаҕа.
От ыйын 4-5 күннэригэр Нерюнгри оройуонугар 18-с төгүлүн ыытыллар Олоҥхо ыһыаҕа буолуоҕа. Ыалдьыттары от ыйын…
Ааспыт сууккаҕа Ленскэй оройуоҥҥа 3 га иэннээх ойуур баһаара көһүннэ. Бу туһунан брифинг кэмигэр СӨ…
Баһаарга дьиэ кырыыһата уонна гараас уопсайа 112 кв.м. иэнэ уокка былдьаммыт. Горнай улууһун Бэрдьигэстээх сэлиэнньэтигэр…
Арассыыйаҕа 2025 сыл от ыйын 1 күнүттэн хомунаалынай өҥө тарыыптарын үрдэтии былааннанар. Дойду бырабыыталыстыбатын дьаһалынан,…
Саха Өрөспүүбүлүкэтин Юстицияҕа судаарыстыбаннай кэмитиэтин бэрэссэдээтэлэ Павел Иванов от ыйын 1 күнүгэр, оптуорунньукка, СӨ Ил…
Дьокуускайга куоракка улахан бырааһынньыктар ыытыллар кэмигэр арыгыны атыылыыры хааччахтыырга этии киллэрдилэр, диэн «Эхо столицы» ТГ-ханаала…