Матвей Евсеев аата бөдөҥ алмааска иҥэрилиннэ

Алтынньы 26 күнүгэр «Анаабыр алмаастара» алмааһы хостуур хампаанньа төрүттээччитэ уонна салайааччыта, билигин «Арктикатааҕы хапытаал» хайа-хостуур холдинг генеральнай дириэктэрэ, бизнесмен, бэлиитик уонна уопсастыбаннай диэйэтэл Матвей Евсеев үбүлүөйдээх 60 сааһын бэлиэтээтэ.

Бэлиэ күнүнэн биир идэлээхтэрэ, табаарыстара, доҕотторо уонна биир дойдулаахтара эҕэрдэлээтилэр. Тэрээһиҥҥэ Ил Дархан Айсен Николаев аатыттан эҕэрдэ уонна махтал суругу туттардылар. Ону кытта «АЛРОСА» АХ  66,56 карат ыйааһыннаах ювелирнай хаачыстыбалаах алмааска Евсеев Матвей Николаевич аатын иҥэрдэ.

Матвей Евсеев Анаабыр, Сунтаар, Өлүөхүмэ уонна Хаҥалас улуустарын Бочуоттаах олохтооҕо. Бу туһунан  «Арктикатааҕы хапытаал» ХЭУо пресс-сулууспата иһитиннэрдэ.