MAX мессенджер туһанааччыларга куттала суох буолуу таһымын үрдэтэр

MAX мессенджерин үлэҕэ киириитэ куттала суох буолууну хааччыйыыга суолталаах хардыы быһыытынан көрүллэр. Информационнай технологиялар эйгэлэрин исписэлиистэрэ MAX көннөрү мессенджер эрэ буолбакка, дойду сыыппара суверенитетын бөҕөргөтөр тэрил буоларын бэлиэтииллэр.

Саха сирин Ил Дархана Айсен Николаев Арассыыйа оҥоһуктарын өйөөһүн суолталааҕын бэлиэтиир. Кини санаатынан, күүстээх-уохтаах, кыахтаах дойду бэйэтин национальнай мессенджердээх буолуохтаах. MAX мессенджергэ Ил Дархан официальнай ханаала бу сигэнэн баар: https://max.ru/aisen_nikolaev. Ону таһынан МАХ-ка Саха сирин Бырабыыталыстыбатын официальнай ханаала арылынна: https://max.ru/sakhagov, онно эрэгийиэн суолталаах сонуннара,  былааннара уонна сүрүн көҕүлээһиннэрэ тахсаллар.

Кэлиҥҥи кэмҥэ Арассыыйаҕа тас дойдулар мессенджердэрин, ордук Meta* хампаанньа WhatsApp* нөҥүө түөкүннээһин ахсаана үксээтэ. Оттон МАХ түөкүттэргэ улахан мэһэйи үөскэтэр: манна аата-суола биллибэттик бэлиэтэнии кыаллыбат, оттон тус чахчыларга киирии Арассыыйа сокуонунан салайыллар. Эспиэрдэр санааларынан, МАХ-ка туһанааччылары булгуччулаах бэрэбиэркэлээһин (верификация) баара улахан суолталаах – бэлиэтэнии Арассыыйа эбэтэр Беларусь пааспардарынан уонна төлөпүөн нүөмэрдэринэн эрэ кыаллар. Бары дааннайдар аҥаардас Арассыыйа сервердэригэр хараллаллар, бу кинилэри атын дойдулар туһаналларын суох оҥорор.

**Meta РФ-ҕа экстремистcкэй тэрилтэнэн билиниллибитэ.