MAX мессенджер туһанааччыларын ахсаана 50 мөлүйүөҥҥэ тиийдэ

Алтынньыга сууккаҕа ортотунан MAX мессенджеры туһанааччы ахсаана 19 мөлүйүөн киһиттэн таҕыста. Рекорднай көрдөрүү алтынньы 22 күнүгэр бэлиэтэннэ, диэн МАХ пресс-сулууспата иһитиннэрэр.

Сыһыарыы үлэлиэҕиттэн туһанааччылар 3,7 миллиард иһитиннэриини ыыппыттар, 842 мөлүйүөн төгүл эрийбиттэр уонна 25 мөлүйүөнтэн тахса видеону  устубуттар. Бөлөх чааттарын ахсаана 7,6 мөлүйүөҥҥэ тиийдэ.

Арассыыйа бары эрэгийиэннэригэр «Сферум» үөрэх платформата туһаныллар буолла — туһанааччыларын ахсаана 10 мөлүйүөнтэн таҕыста. 13 тыһыынчаттан тахса блогердар МАХ-ка бэйэлэрин ханаалларын астылар. Саҥа ааптардар ахсааннарыгар ырыаһыт Жасмин, актер Никита Панфилов, опера ырыаһыта уонна композитор Илья Ушуллу, ону тэҥэ айанньыт-блогер Максим Кудряшов бааллар.

Алтынньы 23 күнүттэн МАХ «Партнердарга аналлаах платформаны» үлэлэппитэ. Ол биисинэскэ сервистэри мессенджергэ сыһыарарга кыах биэрэр: табаар атыытыттан уонна төлөбүрү ылыыттан  тиийэ. Билиҥҥи түһүмэххэ платформаҕа RuStore сыһыарыылаах Арассыыйа хампаанньалара холбонуохтарын сөп. Платформа үлэлиэҕиттэн  хас да хонук иһигэр 2 875 хампаанньа кыттыһарга сайаапка түһэрдэ.

Сыһыарыыны хачайдыыр сигэ: https://download.max.ru/#desktop