MAX мессенджергэ бөлөхтөөн эрийии функционала кэҥээтэ

 Конференцияны тэрийээччигэ «Кэтэһии саалата» көмөтүнэн кэпсэтээччилэр холбонууларын салайар кыах үөскээтэ, оттон кыттааччылар – «Илиитин уунар», көрсүһүү чаатыгар суруйар уонна кэпсэтиини ыытар кыахтаннылар.

Устуллубут кэпсэтии «Талыллыбыттар» диэн паапкаҕа бэйэтэ тиийэр диэн мессенджер пресс-сулууспата иһитиннэрдэ. Ону таһынан мессенджергэ эрийиини тэрийэр саҥа ньыма эбилиннэ – бөлөх чаатын көмөтүнэн.

Бөлөх чаатыгар бөлөҕүнэн видео-эрийиини тэрийэргэ, экраан үөһээ өттүгэр баар төлөпүөн туруупкатын бэлиэтин талан, «эрийиигэ холбон» диэн тимэҕи баттыахха наада. Бу кэмҥэ чаат кыттааччыларыгар «холбон» диэн тимэхтээх «чаакка эрийии» диэн плашка (сурук) тахсыа. Видеоконференция уһуна кэминэн уонна кыттааччыларын ахсаанынан хааччахтаммат. Эрийии түмүктэммитин кэннэ туһанааччыга эрийии хаачыстыбатын сыаналыырга этии киириэ.

Бөлөхтөөн эрийии МАХ туһанааччыларыгар тургутан көрүү эрэсииминэн  кыаллар буолбута. Алтынньы 2 күнүнээҕи туругунан, мессенджер үлэҕэ киириэҕиттэн туһанааччылар видеоконференциялары киллэрэн туран, 500 мөлүйүөнтэн тахса эрийиини оҥордулар.