Хаартыска: «MAX» мессенджер саайтыттан
Саха сирин олохтоохторо МАХ национальнай мессенджергэ «Мин докумуоннарым» киин чат-ботун көхтөөхтүк туһанар буоллулар. Сервис бу сыл сэтинньититтэн федеральнай бырайыак чэрчитинэн үлэлиир.
«Мин докумуоннарым» кииҥҥэ бэлиэтииллэринэн, чат-бот нөҥүө приемҥа суруттарыахха, сайаапка туругун билиэххэ, дьыала хамсааһынын кэтиэххэ, чугастааҕы офиһы булуохха уонна үлэтин кыраапыгын чуолкайдыахха сөп. Ону таһынан, докумуон бэлэм буоллаҕына, туһанааччыга биллэрии кэлэр. МАХ нөҥүө биллэриилэри ыытыыга пилотнай бырайыакка Дьокуускай, Жатай кииннэрэ уонна өрөспүүбүлүкэ 21 улууһа киирдилэр.
МАХ — VK хампаанньа Сыыппара сайдыытын министиэристибэтин уонна «Ростех» экосистематын тэрилтэлэрин өйөбүлүнэн оҥоһуллубут аныгы кэм сыыппара платформата. Сыһыарыы iOS, Android, Windows, macOS-ка уонна веб-барылынан туруоруллар. Туох баар тус дааннайдар сокуону толору тутуһан, Арассыыйа сервердэригэр хараллаллар.
Билигин үгүс туһанааччылар платформа сүрүн кыахтарын туһаналлар: тиэкиһинэн уонна саҥанан суруйсар чааттар, эрийиилэр, 4 ГБ диэри кээмэйдээх файллары ыытыы, СБП нөҥүө харчыны көһөрүү, GigaChat баазатыгар олоҕурбут чат-боттар, ону тэҥэ «Госуслуги» порталы кытта интеграциялаах судаарыстыбаннай сервистэр.
Саха сирин Ил Дархана Айсен Николаев MAX платформаҕа официальнай ханаалын ыытар.
Эрэгийиэн салайааччытын ханаалыгар бу сигэнэн баар: https://max.ru/aisen_nikolaev.
Саха сирин Бырабыыталыстыбата эмиэ бэйэтэ ханааллаах: https://max.ru/sakhagov.
Оттон «Саха сирэ» саайт ханаала бу сигэнэн баар: https://max.ru/join/QqldBqHR4rM4SpKAVJk8QOTbsM4VFJm8vcvidjcWAKo
Ил Дархан туһаайан этиитигэр дьоҕус урбааны өйүүр боппуруос болҕомтоҕо ылыллыа диэн, норуот дьокутаата, Ил Түмэн…
“Илии сылааһа” сыах (сал. Саввина И.Е.) филиала Куокуйдааҕы “Надежда” холбоһук (сал. Еремеева Т.У.) бу сылга…
Дьокуускайдааҕы полиция 1-кы №-дээх отделын дьуһуурунай чааһыгар олохтоох дьахтар кини аатыгар сокуоннайа суохтук 145 тыһ.солк.…
СӨ муниципальнай тэриллиилэрин бэрэстэбиитэллээх уорганнарын дьокутааттарын 3-с сийиэһэ куорат уокуруктарын, тыа сирин нэһилиэктэрин дьокутааттарын түмтэ.…
Саха норуодунай суруйааччыта, Саха Өрөспүүбүлүкэтин култууратын үтүөлээх үлэһитэ, СӨ Суруйааччыларын сойууһун бэрэссэдээтэлинэн үлэлээбит Егор Петрович…
Быйыл өрөспүүбүлүкэ 13 арктическай улууһугар барыларыгар эргиэн логистическай кииннэрэ аһылыннылар. Бу соругу Айсен Николаев Судаарыстыбаннай…