Хаартыска: Саха сирэ
Саха сиригэр саҥа мессенджери киллэрэн эрэллэр. Max диэн дойду мессенджерин Саха сиригэр киллэриини министиэристибэлэртэн, СМИ эйгэтиттэн саҕаланыаҕа, ону таһынан элбэх функциялаах кииннэр үлэлэригэр туһаныахтара.
Эрэгийиэннэр былаастара бу платформа салайааччылар «үлэлэрин көдьүүһүн үрдэтиэҕэ», олохтоохтору кытта «интерактивнай алтыһыыны» олохтуоҕа уонна дааннайдары көмүскүөҕэ диэн күүтэллэр. Эспиэрдэр этэллэринэн, Max табыгастаах мессенджери оҥорорго анаан кэммиэрчэскэй структуралар уопуттарын ылынар. Max мессенджергэ көһүүгэ бастакынан бэйэлэрин бөлөхтөрүн арыйан эрэр СМИ-лэр былаанныыллар. Ону таһынан, муниципалитеттар уонна тустаах тэрилтэлэр балаҕан ыйын 1 күнүгэр диэри мессенджергэ холбонуохтара уонна ис кэпсэтиини барытын бу платформаҕа көһөрүөхтэрэ.
Max сыыппара кэпсэтиитин куттала суох буолуутун хааччыйыахтаах уонна судаарыстыбаннай өҥө сервистэрин барытын биир сыһыарыыга түмүөхтээх.
Санатан эттэххэ, VK интернет-холдинг Max сыыппара платформатын 2025 сыл кулун тутарыгар үлэҕэ киллэрбитэ. Оҥорооччулар этэллэринэн, бу сыһыарыы мессенджери, социальнай ситими, төлөбүр тиһигин уонна да атын сервистэри бэйэтигэр холбуур Кытай WeChat-ын аналога буолуохтаах.
Max үлэтин бастакы үс ыйыгар бэлиэтэммит туһанааччыларын ахсаана 1 мөлүйүөнтэн таҕыста. Бэс ыйыгар Арассыыйа бэрэсидьиэнэ Владимир Путин информацияны атастаһар элбэх функциялаах сервис олохтонуутун туһунан сокуоҥҥа илии баттаабыта, оттон от ыйыгар — мессенджергэ судаарыстыбаннай уонна үп-харчы өҥөлөрүн киллэрэргэ сорудахтаабыта.
Соторутааҕыта Сыыппара сайдыытын миниистирэ Максут Шадаев Max «Госуслуги» инфраструктуратыгар холбонорун туһугар ФСБ-ны кытта куттал суох буолуутун ирдэбиллэрин сөбүлэспитин туһунан иһитиннэрдэ. Max мессенджергэ көһүүгэ бэлэмнэнии туһунан атын эрэгийиэннэр бырабыыталыстыбаларыгар эмиэ кэпсээтилэр. Сыһыарыыны хачайдаан ыларга бу сигэнэн киириҥ.
Мииринэй куоракка Ийэ дойду көмүскээччилэрин өйөөн аһымал кэнсиэр тэрилиннэ. Хомуллубут үп-харчы бүтүннүүтэ байыаннай дьайыы кыттыылаахтарыгар…
Усуйаана улууһугар сэлии фаунатын тобохторун хомуйууну уонна эргиниини бэрэбиэркэлиир кэмҥэ, уопсай ыйааһына 20,7 киилэ буолар…
Камчатка кыраайын Елизово куоратыгар пауэрлифтиҥҥэ Уһук Илин федеральнай уокурук чөмпүйэнээтэ ыытылынна. Күрэхтэһии чаҕылхай кыттааччыларын быыстарыгар…
ИДьМ сулууспатын «Дьокуускайдааҕы» 2 №-дээх полициятын отделын дьуһуурунай чааһыгар дьахтар кыбартыыратыттан икки тэлэбиисэри уорбуттарын туһунан…
СӨ Бырабыыталыстыбатын Бэрэссэдээтэлин бастакы солбуйааччы Дмитрий Садовников салайыытынан социальнай эбийиэктэр тутууларын боппуруостарыгар мунньах ыытылынна. Мунньахха…
Сааны бас билээччилэр федеральнай сокуонунан көрүллэр быраабылалары кытаанахтык тутуһуохтаахтар, диэн Росгвардия пресс-сулууспата санатар. Гражданин ханнык…