MAX уонна WhatsApp* туох уратылаахтарый?

Арассыыйаҕа MAX диэн саҥа мессенджер үлэтин саҕалаан, сыыйа-баайа дьон болҕомтотун тардар буолла. Саҥа сервис WhatsApp*-тан туох уратылааҕый уонна Саха сирин олохтоохторо сыһыарыыттан туох туһаны ылыахтарын сөбүй?

Бүгүҥҥү күҥҥэ хас биирдии киһи олоҕор мессенджердэр дириҥник иҥнилэр. Икки сүрүн сервистэри тэҥнээн көрөр буоллахха маннык.

• WhatsApp*: Аан дойдуга саамай киэҥник тарҕаммыт мессенджер. Сүрүн уратыта – туһаныыга судургу. Ол эрээри, Meta* корпорация бас билиитэ буолар, онон Арассыыйаҕа инники дьылҕата биллибэт.
• MAX — Арассыыйа мессенджера. Оҥорооччулар иһитиннэрэллэринэн, WhatsApp* судургутун уонна Telegram күүстээх кыахтарын холбоон, дойду иһинээҕи туһанааччыларга анал уратылары киллэрбиттэр. Оттон Саха сирин олохтоохторугар MAX мөлтөх интэриниэт ситимигэр үлэлиир кыаҕа бэлиэтэнэр. Саха сирин ыраах улуустарынан, нэһилиэктэринэн куйаар ситимэ мөлтөх сирдэригэр, мессенджер үлэтэ олус суолталаах боппуруос. Сонун ыытарга, хаартысканы эбэтэр докумуону атастаһарга түргэн интэриниэт ирдэнэр.

«Эконом-эрэсиим» эбэтэр мөлтөх интэриниэт ситимигэр үлэлиир.

• 1. Трафик кээмэйэ кэмчилэнэр. Мессенджер сонуну, ойууну ыытарыгар дааннайдары кыра кээмэйинэн мөлтөх GPRS эбэтэр 2G интэриниэт ситимигэр үлэлиир кыахтанар.
• 2. Сыһыарыы түргэнник үлэлиир. Мөлтөх интэриниэккэ MAX тиэкиһи харгыһа суох ыытар уонна тиэрдэр.
• 3. Ойуу хаачыстыбатын кыра кээмэйинэн ыытар уонна тиэрдэр.

«Саха сиригэр MAX сыһыарыы улуус кииниттэн тэйиччи олорор дьоҥҥо, чуолаан быраастарга, учууталларга, баһаарынайдарга суһаллык информация атастаһарга олус көмөлөөх», — диэн ИТ-исписэлиис Семен Васильев бэлиэтиир.

MAX – билигин баар атын мессенджердэрин ортолоругар күүстээх күрэсчит буолар кыахтаах саҥа сервис. Сүрүн уратыта — мөлтөх интэриниэт ситимигэр харгыһа суох үлэлиир.

**Meta Platforms Inc. тэрилтэ РФ экстремисткэйинэн билиниллибитэ уонна бобуллубута