Мэҥэ Хаҥалас оройуонугар чааһынай кафе умайда

Ахсынньы 24 күнүгэр түүн 01:30 чааска баһаарынай-быыһыыр сулууспаҕа Мэҥэ Хаҥалас Тумулугар Молодежнай уулуссаҕа чааһынай кафе умайа турарын туһунан иһитиннэрии киирбит.

Бу туһунан  ЫБММ Саха сиринээҕи управлениетын пресс-сулууспата иһитиннэрэр. Аҕыйах мүнүүтэ иһигэр баһаарынай сулууспа бэрэстэбиитэллэрэ быһылаан тахсыбыт миэстэтигэр тиийбиттэр. Баһаар содулугар эмсэҕэлээбит дьон суох, кафе дьиэтэ барыта —  1500 кв. м. иэнэ уокка былдьанна. Билигин баһаар тахсыбыт төрүөтэ, ону сэргэ буруйдаахтар уонна хоромньу кээмэйэ быһаарыллар.

Уоту умуруорууга 15 киһи уонна 3 тиэхиньикэ үлэлээбит. Санатан эттэххэ, ахсынньы 23 күнүгэр Ленскэй супермаркетыгар баһаар тахсыбыта.