«Өймөкөөн” кэммиэрчэскэйэ суох тэрилтэ уопсастыбанньыктары өйүүр, көмөлөһөр соруктаах үлэлиир.
Сэттэ киһиттэн турар барабылыанньабыт чилиэннэрэ бары араас хайысхалаах үлэни ыытабыт. Мин Дьокуускай куорат Өймөкөөн аатырбыт 1-кы гильдиялаах меценат-атыыһыта Н.О. Кривошапкин аатынан 5 №-дээх уонна эмиэ кини аатын сүгэр Өймөкөөн улууһун Өймөкөөн нэһилиэгин орто оскуолаларын ситимниир үлэ хайысхатын сүрүннүүбүн. Онон бу оскуолалар араас тэрээһиннэригэр өрүү кыттабын.
Бу күннэргэ Дьокуускай куорат 5 №-дээх оскуолатыгар 9 кылаас үөрэнээччилэригэр «Тымныы полюһа — Өймөкөөн » диэн кылаас чааһа буолан ааста.
Ньукулай Кырбыһааҥкын сыдьаана, урбаанньыт, 5 №-дээх орто оскуола попечителлэрин Сэбиэтин салайааччыта Лариса Кривошапкина араас ис хоһоонноох үлэни тэрийэн ыытар. Бу кылаас чааһын эмиэ кини көҕүлээн тэрийдэ. Кини Н.О. Кривошапкин үөрэҕирии салаатыгар оҥорбут үтүөлэрин кэпсээтэ.
Мин Өймөкөөн тымныы чыпчаала буолан, Саха сириттэн, Арассыыйа араас эрэгийиэннэриттэн, аан дойду бары муннуктарыттан тиийэ туристар кэлэллэрин кэпсээтим. Онно кинилэри өрүү биир бастакынан Өймөкөөн орто оскуолатын үөрэнээччилэрэ уонна учууталлара көрсөллөр. Оскуола туристары кытта үлэлиир бастыҥ уопутун сырдаттым.
Биир дойдулаахпыт, киэн туттар киһибит, меценат-атыыһыт Н.О. Кривошапкин туһунан үтүө өйдөбүл үйэлэргэ өлбөөдүйбэтин туһугар маннык ис хоһоонноох тэрээһиннэр буолаллара олус наадалаах дии саныыбын. Билигин ыччаты Ийэ дойдуга бэриниилээх буолууга иитиигэ улахан болҕомто ууруллар кэмигэр оскуола оҕолоругар кинилэр оскуолалара ким аатын тоҕо сүгэрин билэллэрэ олус наада.
Тамара ВИНОКУРОВА, педагогическай үлэ бэтээрээнэ.
Бүгүн, ыам ыйын 17 күнүгэр, Амма улууһугар Олоҥхо ыһыаҕын тэрийэр кэмитиэт мунньахтаата. СӨ Бырабыыталыстыбатын бэрэссэдээтэлин…
2024 сылга Саха сиригэр 76 социальнай эбийиэги тутары былаанныыллар. Олор истэригэр сорох тутуулар национальнай бырайыак…
Бүгүн Кэбээйи улууһун дьаһалтатын социальнай хантараагынан судаарыстыбаннай социальнай көмөнү оҥорууга хамыыһыйа быйылгы сыл 4 ыйынааҕы…
Былырыын Чурапчы улууһугар түөрт оҕоҕо бэйдиэ сылдьар ыттар саба түһэн эмсэҕэлэппиттэрэ. Бэйдиэ сылдьар ыттары көрүүгэ-истиигэ…
Өлүөнэ өрүскэ муус хойуутук устан Дьокуускай, Нам, Мэҥэ Хаҥалас оройуоннарынан ааһар. Уу таһыма Кангаласс микро-оройуонугар…
Бүгүн Ил Дархан Айсен Николаев Арассыыйа-Кытай ЭКСПО-ҕа РФ бэрэсидьиэнэ Владимир Путиҥҥа уонна Кытай норуодунай өрөспүүбүлүкэтин…