“Медиа-эйгэттэн 20 буолан кэллибит”

Дьокуускайга Федеральнай Сабантуй олус тэрээһиннээхтик ыытылла турар. Түгэнинэн туһанан,  “Татмедиа” бэчээккэ уонна маассабай коммуникацияларга өрөспүүбүлүкэтээҕи агентствотын салайааччытын солбуйааччы Ильдар Флусович Миргалимов санаатын маннык үллэһиннэ:

— Бу күннэргэ киэҥ хабааннаах, Татарстаан Өрөспүүбүлүкэтигэр уонна Саха сиригэр дьоһун суолталаах   култуурунай түгэн  буола турар. Бу – Федеральнай Сабантуй. Бу тэрээһин ыалдьытымсах дьонноох Саха сиригэр ыытылла турар. Татарстаан уонна Саха сирэ уруккуттан ыкса ситимнээхтик үлэлиибит, ол барыта Татарстаан Бэрэсидьиэнин уонна Саха сирин Ил Дарханын сүрүннээһиннэринэн ыытыллар. Үтүө түгэнинэн туһанан медиа-салааҕа биир идэлээхтэрбитин кытта көрсүһэ, уопут атастаһа кэллибит.  Биһиги эйгэбититтэн 20 киһи кэллэ. Ол курдук, оҕо, обургу оҕо сурунаалларын, уопсастыбаннай-политическай хаһыаттарын, өрөспүүбүлүкэбит сүрүн телеханааллаарын, интэриниэт СМИ-лэр бэрэстэбиитэллэрэ. Үөрэтэн көрүүнэн, биһиэхэ билиҥҥи туругунан интэриниэт-былаһааккалар сүрүн миэстэҕэ таҕыстылар. Ону тэҥэ Вконтакте көхтөөхтүк сайдаллар. Саха сиринээҕи сонуннары киэҥник тарҕатар сириэстибэ эйгэтигэр үлэлиир биир идэлээхтэрбитин кытта медиа-салааны хайдах сайыннарар туһунан “Төгүрүк остуолга” түмүстүбүт. Саха сиригэр Медиа-каарта олус сайдыбытын бэлиэтиибин.