Мэдиссиинэ үлэһиттэригэр үрдүк наҕараадалары туттардылар

Сэтинньи 7 күнүгэр Антифашистскай пуорум пленарнай мунньаҕар  мэдиссиинэ үлэһиттэрин үрдүк наҕарааданан бэлиэтээтилэр.

Өлөөн улууһун Оройуоннааҕы киин балыыһатын кылаабынай бырааһа Петров Назар Иннокентьевич “Хорсунун иһин”  II истиэпэннээх мэтээлинэн уонна “Запорожье уобалаһыгар өҥөтүн иһин”  II истиэпэннээх уордьанынан;

Онкология өрөспүүбүлүкэтээҕи диспансерын анестезиолог-реаниматолог бырааһа Потапов Александр Филиппович “Запорожье уобалаһыгар өҥөтүн иһин” уордьанынан;

Өрөспүүбүлүкэтээҕи 2 №-дээх балыыһа-Мэдиссиинэ суһал көмөтүн киинин травматолог-ортопед бырааһа Мордосов Анатолий Николаевич “Запорожье уобалаһыгар өҥөтүн иһин” уордьанынан наҕараадаланнылар.

СӨ Доруобуйа харыстабылын министиэристибэтэ  биир идэлээхтэринэн киэн туттан туран, үрдүк наҕараадаларынан эҕэрдэлиир.