Хаартыска: Онкодиспансер пресс-киинэ
Онкология киинэ Арассыыйа бэрэсидьиэнэ Владимир Путин «Доруобуйа харыстабыла» национальнай бырайыагын чэрчитинэн тутулунна.
Саха сирин Ил Дархана Айсен Николаев эбийиэк иккис уочаратын үбүлээһин туһунан көрдөһүүтүн парламент истиилэригэр тириэрдибитин кэннэ киэҥ хабааннаах үлэҕэ аан бастаан федеральнай бүддьүөттэн 5,9 миллиард суумалаах үп бэриллэрэ 2019 сыллаахха бигэргэтиллибитэ. Тутууну ыытыы пандемия уонна матырыйааллар ыарыыр, онтон мэдиссиинэ тэриллэринэн сэбилээһин арҕаа дойдулар биллэрбит саансыйаларын кэмнэригэр түбэспитэ. Өрөспүүбүлүкэ былаастарын дьаныардарынан уонна федеральнай, бастатан туран, Арассыыйа бэрэсидьиэнин, өйөбүллэринэн кыһалҕалары туораппыттара. 2022 сыллаахха Федерация сэбиэтэ тутууга эбии 2 миллиарды биэрэри өйөөбүтэ. Онтон 2023 сыл бүтүүтэ Михаил Мишустин федеральнай бырабыыталыстыба эбии 1,26 миллиарды, ол иһигэр тэрилинэн сэбилээһиҥҥэ, көрөрүн туһунан иһитиннэрбитэ.
Саха сиригэр аһыллыбыт Онкология киинин суолтатын туһунан Эмтэнээччилэр Бүтүн Арассыыйатааҕы сойуустарын хос бэрэссэдээтэлэ Юрий Жулев маннык иһитиннэрдэ:
«Кэнники сылларга араак мүлчүрүйбэт (фатальнай) ыарыынан ааҕыллыбатын үрдүнэн, искэн ыарыныы бигэргэтии -– киһиэхэ улахан стресс. Ол иһин, киниэхэ ханна уонна хайдах көмө оҥоһуллуоҕун туһунан чопчу билэрэ улахан суолталаах. Онон сибээстээн, Онкология диспансера аһыллыбыта кэрэхсэбиллээх, тоҕо диэтэххэ, эрэгийиэн эмтэнээччилэри аныгы ньыманан толору эмтиир инфраструктураланна.
Саха сирин олохтоохторо мэдиссиинэ биир тэрилтэтигэр эмтээһин кууруһун барытын бараллара, мэдиссиинэ бары көрүҥүнэн туһаналлара -– ыарыыны быһаартарыыттан үрдүк технологиянан эмтээһиҥҥэ уонна доуробуйаны чөлүгэр түһэриигэ тиийэ — улахан суолталаах. Ону таһынан бириэмэни сүтэрэн, араас атын тэрилтэлэргэ барарга-кэлэргэ күүстэрин барыахтара суоҕа. Онкологияҕа көмөнү оҥоруу төһө түргэнэ уонна кэмигэр саҕаланара эмтэнии түмүктэх буоларыгар дьайар».
Муус устар 3 күнүгэр «Сэргэлээх уоттара» култуура киинигэр Василена Шарина-Улан «Турук» диэн бастакы моно-перфоманс кэнсиэрэ…
Быйыл кулун тутар ыйга полицияҕа Дьокуускай куорат 77 саастаах олохтооҕо түөкүттэр сиэртибэлэрэ буолбутун уонна мөлүйүөн…
Ханнык баҕарар дойдуга кыратыттан, улаханыттан тутулуга суох, төрөөбүт-үөскээбит сирин дьонун-сэргэтин дириҥ ытыктабылларын ылбыт, киэн туттуулара…
Бэс ыйын 4-8 күннэригэр Дьокуускайга «Спортивные якутяне» Саха сирин үөрэнээччилэрин спартакиадатын финальнай түһүмэҕэ ыытыллыаҕа. Бэлэмнэнии…
Росгвардия территориальнай управлениетын ОМОН баазатыгар «Бизон» этэрээт тэриллиитин күнүгэр үөрүүлээх тэрээһин буолан ааста. «Бизон байыастарын…
Ис-тас атыы-эргиэн арыта аһара баран, аны дуоллар тиһигэ туллаҥнаан Эмиэрикэлэр экэнэмиэкэлэрин "эргичитэллэр".