sakha.gov.ru
Итинник ааттаах сервис, аны, улуустарга үлэлиэҕэ. Ол тугуй?
Саҥа бырайыагы 2024 сыллаахха СӨ доруобуйа харыстабылын министиэристибэтэ үлэҕэ киллэрбитэ. Бу бииригэр диэри саастаах уонна инбэлиит оҕолоох дьиэ кэргэттэри мэдиссиинэ өртүнэн арыаллааһыҥҥа анаммыт бырайыак буолар.
Бу ыйтан «Мэдиссиинэ көмөтө» өрөспүүбүлүкэ бары улуустарыгар үлэлиэҕэ диэн этэллэр. Онуоха бэлэмнэнии үлэлэр улуустар киин балыыһаларыгар ыытыллыбыттар. Маннык сыалы-соругу Ил Дархан Айсен Николаев Ил Түмэҥҥэ Анал этиитигэр туруорбута. Бу «Дьиэ кэргэн» бырайыак иитинэн олоххо киллэриллэр.
«Мэдиссиинэ көмөтө» сервис нөҥүө тохсунньу 1 күнүттэн бырааска көрдөрөргө 1424 оҕону суруйтарбыттар. Ону сэргэ, оператордар 1906 иһитиннэриини ыыппыттар.
Бырайыагы олоххо киллэрэргэ мэдиссиинэ тэрилтэлэрэ уонна СӨ доруобуйа харыстабылын кэлим колл-киинэ үлэлэһэллэр. Бүгүҥҥү күҥҥэ төрөппүттэргэ, оҕолор сокуоннай бэрэстэбиитэллэригэр иһитиннэриилэри сэргэ, бырааска суруйтаралларын туһунан, о.д.а. боппуруостарга үлэ тиһиктээхтик ыытыллар. Маннык ньыманан үлэлээһин мэдиссиинэ тэрилтэлэригэр дьон-сэргэ кэлиитин-барыытын салайар, бириэмэни хонтуруоллуур, о.д.а. барыта табыгастаах буоларын туһугар оҥоһуллар.
СӨ Ил Дарханын уонна Бырабыыталыстыбатын пресс-сулууспата
От ыйын 8 күнүгэр Дьокуускай уонна Ленскэй архиепискоба Роман Дьокуускайдааҕы епархия тылбаас отделын үлэтин мунньаҕын…
От ыйын 9 күнүгэр киэһэ хойут Саха сирин быыһааччылара тыаҕa муммут 85 саастаах киһини көрдүү…
Хаҥалас улууһун борокуратууратын бэрэбиэркэтин түмүгэр, улуус дьаһалтата бэдэрээччиккэ успуорт былаһааккатын тутууга аспаал-бетон бүрүөһүнүн тэлгээһин уонна…
От ыйын 9 күнүгэр Дьокуускай куорат сиригэр-уотугар 9 суол саахала бэлиэтэннэ, онтон бииригэр биир киһи…
Саха сиригэр сир аһын маассабайдык хомуйуу болдьоҕо бигэргэннэ. Ол курдук, от ыйын 10 күнүттэн хас…
Сэрэдэҕэ, от ыйын 9 күнүгэр, Саха сиригэр 5 буруйу оҥоруу тахсыбыта бэлиэтэммит. Бу туһунан СӨ…