Дьокуускайга төрдүс сылын ыытыллар Хотугу сир уонна Арктика туруктаах сайдыытын кэскилин уонна кыһалҕаларын дьүүллэһэр Хотугу пуорум кыттыылаахтара Өрөспүүбүлүкэтээҕи 1 №-дээх балыыһаҕа- Мэдиссиинэ Национальнай киинигэр ыалдьыттаатылар.
Михаил Ефимович Николаев аатынан Мэдиссиинэ национальнай киинигэр Ханты-Мансийскай автономнай уокурук губернатора Наталья Владимировна Комарова уонна Ямало-Ненецкай автономнай уокурук губернатора Дмитрий Андреевич Артюхов сырыттылар. Кинилэри СӨ Бырабыыталыстыбатын бэрэссэдээтэлин солбуйааччы Ольга Балабкина, бэрэссэдээтэли бастакы солбуйааччы Кирилл Бычков уонна СӨ Доруобуйа харыстабылын миниистирэ Лена Афанасьева арыаллаатылар.
Ыалдьыттар Сүрэх-тымыр киинигэр телемэдиссиинэ уонна үрдүк технологиялаах мэдиссиинискэй тэриллэр үлэлэрин билистилэр. Кырдьыга да, Саха сиригэр биир улахан мэдиссиинискэй тэрилтэ — быйыл 30 сылын бэлиэтиир Мэдиссиинэ киинэ ыраахтан-чугастан кэлбит дьоҥҥо көрдөрөрө, кэпсиирэ элбэх. Киин аһыллан атаҕар турарыгар, салгыы сайдарыгар хас биирдии үлэһит күүһүн-уоҕун биэрбитэ, доруобуйа харыстабыла сайдарыгар кылаатын киллэрбитэ. Кинилэр 30 сыл устата элбэх саҥаны арыйыылаах уонна ситиһиилээх, уустуктардаах уонна интэриэһинэй түгэннэрдээх уһун суолу тэлэн кэллилэр.
Мэдиссиинэ национальнай киинэ инники соруктара билигин да элбэх уонна киэҥ далааһыннаах. Инникитин үрдүк технологиялаах мэдиссиинискэй көмөнү, геномнай мэдиссиинэни, биомедицинскай технологиялары уо.д.а. киллэрии былааннанар.
Аһыы салаат Биһиэхэ наада: – 2 киилэ моркуоп; – 2 мутук петрушка; – 3 аһыы…
Санаторийга судаарыстыба суотугар хайдах барар туһунан Объясняем.рф телеграм-ханаал иһитиннэрэр: [gallery ids="239904,239912,239911,239910,239909,239908,239907,239906,239905"]
Күн сиригэр кэлбит кырачаан кыыс улаатан кэргэн тахсар, оҕо-уруу төрөтөр кэмигэр диэри кини организмыгар биллэр…
Владивостокка РФ бырабыыталыстыбатын бэрэссэдээтэлин солбуйааччы — РФ бэрэсидьиэнин Уһук Илиҥҥи федеральнай уокурукка боломуочуйалаах бэрэстэбиитэлэ, ВЭФ…
Балаҕан ыйын 15 күнүттэн Кытайга визата суох тахсар кыах баар буолла. Онон элбэх турист тахсаары…
Ил Дархан Айсен Николаев үбүлүөйдээх Илиҥҥи экэнэмиичэскэй пуорумҥа өрөспүүбүлүкэ кыттыытынан түмүктэри таһаарда. “Пуорум ситиһиилээхтик ааста.…