Хаартыска: Мэдиссиинэ национальнай киинэ
Өрөспүүбүлүкэтээҕи 1 №-дээх балыыһаҕа- М.Е.Николаев аатынан Мэдиссиинэ национальнай киинигэр 1998 сылллаахха 40 куойкалаах оҕолорго аналлаах ортопедия-травматология отделениета аһыллыбыта. Отделение 1999 сылтан суһал ыарыһахтары көрөн саҕалаабыта.
2021 сыл ахсынньытыттан отделениены мэдиссиинэ наукатын хандьытаата, үрдүк категориялаах быраас, РФ доруобуйатын харыстабылын туйгуна Сергей Петрович Васильев салайар.
Отделениеҕа 11 ортопед-травматолог быраас уҥуох-былчыҥ систиэмэтэ ыарыылаах уонна эчэйиилээх оҕолору мэдиссиинэ саҥа технологияларын туһанан эмтиир. Манна сэдэх эпэрээссийэлэри оҥороннор, уустук эчэйиилээх оҕолор урукку олохторугар төннөллөр.
Холобур, 2022 сыллаахха Сергей Васильев салалтатынан быраастар биригээдэлэрэ улахан саахалга түбэспит оҕоҕо тааһын уҥуоҕар остеосинтез уустук эпэрээссийэтин ситиһиилээхтик оҥорбуттара.
Отделение наукаҕа дьоһуннаахтык үлэлиир, доруобуйа харыстабылын быраактыкатыгар наука ситиһиилэрин киллэрэр, оҕо хирурдарыгар килиниичэскэй ординатордары бэлэмниир базанан буолар. Москва, Санкт-Петербург уонна Новосибирскай киин килииникэлэрин уонна оҕо хирургиятын кафедраларын кытары бииргэ үлэлиир. Отделение быраактыкаҕа киэҥник туһаныллар туһалаах моделлары оҥорорго хас да РФ патеннаах.
Күн аайы отделениеҕа 2-3 эпэрээссийэ оҥоһуллар, ону таһынан күҥҥэ 40-60 оҕо амбулатория көмөтүнэн туһанар. Балыыһаҕа сытар 1600 оҕоттон сылга ортотунан 800 кырачааҥҥа эпэрээссийэ оҥоһуллар.
Ортопед-травматологтар төрөппүттэр оҕолоругар куттал суоһаабатыгар ураты болҕомтолоох буолалларыгар уонна төһө кыалларынан араас эйэчиини сэрэтэллэригэр сүбэлииллэр. Оҕо сиһэ эчэйбитин уорбалаатаххытына, оҕону миэстэтиттэн сыҕарытар уонна эмискэ көтөҕөр сыыһа. Ол оннугар түргэнник суһал көмөнү ыҥырыллар уонна көмө кэлэрин күүтүллэр. Өскөтүн оҕо тымныы сиргэ сытар буоллаҕына, кинини өрө анньыбакка, биир тэҥник көтөҕөн, сылаас сиргэ көһөрүллэр.
Оҕо ханнык да эчэйиини ылбатын туһугар төрөппүттэр, бастатан туран, оҕолор сыырга, оҕону аралдьытар кииннэргэ уо.д.а. эчэйиэххэ сөптөөх сирдэргэ хайдах сылдьалларын хонтуруоллуохтаахтар. Бэлэсипиэтинэн, самокатынан уонна ролигынан хатааһылыыр оҕолор шлемнаах, тобуктарын, тоҥолохторун харыстыыр анал тэриллээх буолуохтаахтар. Ону таһынан оҕолоргутун охтон түстэхтэринэ бэйэни харыстаныы судургу быраабылаларыгар үөрэтиэхтээххит.
Эйэчэр кутталлаах кэмтэн биирдэстэрэ – сайыммыт кэлэн эрэр. Бары бэйэ-бэйэбитигэр болҕомтолоох буолуоҕуҥ.
Сергей Васильев (Мэдиссиинэ национальнай киинин пресс-сулууспатын матырыйаалынан)
Ахсынньы 28 күнүгэр өрөбүллээҕи Оһуокайбыт буолла.Быйыл иккис сылын Чысхаан кэлэн алгыстаах оһуокайы таһаарда. Чысхаан оруолун…
Биэс сыллаах тохтобул кэнниттэн Москваҕа тыһыынчанан оҕолорго анаан Кириэмил харыйатын тэрээһинэ ыытылынна. Кинилэр истэригэр Саха…
Бу күннэргэ Горнай улууһун Землячествота саҥалыы тыыннаах тэриллибитэ 10-с үбүлүөйдээх сылын бэлиэтиир. Уопсастыбаннай тэрилтэ үлэтин…
Ахсынньы 26 күнүгэр Бүтүн Арассыыйатааҕы “Полиция Тымныы Моруос Оҕонньоро” аахсыйа саҕаламмыта. Бу суолталаах тэрээһиҥҥэ кыттан,…
Бу күннэргэ Саха сирин талааннаах дьоно хаартан-муустан кэлэн иһэр саргылаах Саҥа дьылы көрсө араас оҥоһуктары…
Дьокуускай куоракка сылаас тохтобулларга оҕолор уруһуйдарын көрүөххэ сөп. Ол курдук, “Доҕордоһуу болуоссатын “ уонна “Центральный”…