Мэдиссиинэ орто сүһүөх каадырынан хааччыллыы тупсан иһэр

Ил Дархан Айсен Николаев эрэгийиэҥҥэ доруобуйа харыстабылын тэрилтэлэрин тэрилинэн хааччыйыыны сүрүн соругунан турар диэн 2026 сыл бастакы ыйын түмүгүн таһаарар «Якутия, вперед!» быһа эпииргэ иһитиннэрдэ. Нэһилиэнньэ доруобуйа харыстабылынан астыныыта икки сыл иһигэр 22% үрдээбит.

Аҕыйах сыл иһигэр 110-тан тахса мэдиссиинэ эбийиэгэ тутуллан үлэҕэ киирбитин бэлиэтээтэ. Балыыһа тутуута уонна мэдиссиинэ тэрилинэн хааччыллыы салҕанан барыаҕын эттэ. Ол эрээри кыһалҕалар баалларын эмиэ бэлиэтээтэ.

«Кыһалҕалар, биллэн турар, бааллар, ону кистээбэппит. Хомойуох иһин, бэдэрээтчиттэр мөлтөх үлэлэриттэн, Майаҕа уонна Ньурбаҕа бастакы түһүмэххэ балыыһа комплекстарын тутуутугар билигин улахан кыһалҕаны көрсөбүт. Тутуу түмүктэниитэ билигин —  37% кэриҥэ. Биллэн турар, билигин бастакы түһүмэххэ дьоҥҥо наадалаах эбийиэктэр тутуллан бүтэллэрин туһугар кыаллары барытын оҥоруохтаахпыт. Каадырынан хааччыллыы эмиэ тубуста. Соторутааҕыта биһиэхэ быраастар эрэ буолбакка, сиэстэрэлэр эмиэ тиийбэт этилэр. Биһиги мэдиссиинэ кэллиэһин филиалларын элбэх улууска аһар бэлиитикэни ылыммыппыт.  Онон бу үлэ үчүгэй түмүктэрдээх буолла. Орто таһымнаах мэдиссиинэ каадырынан хааччыйыыбыт өрөспүүбүлүкэ үрдүнэн ортотунан 92% кэриҥэ буолла. Саамай сүрүнэ, үгүс устудьуоммут билигин олохтоох мэдиссиинэ кэллиэстэригэр үөрэнэллэр”, — диэн эттэ Ил Дархан.