Хаартыскаҕа Андрей Сорокин түһэриитэ, СИА
Илин эҥээр, Бүлүү бөлөх уонна киин улуустар, Дьокуускай куорат буруонан бүрүлүннүлэр. Бу тыалынан соҕуруулуу-илинтэн, Хабаровскай кыраай уонна Амур уобалаһын диэкиттэн кэлэр диэн бэлиэтээн тураллар.
Маннык буруо кэмигэр мэдиссиинэ тэрилтэлэрэ күүһүрдүллүбүт эрэсииминэн үлэлиэхтээхтэр диэн, Ил Дархан Айсен Николаев ыксаллаах быһыыны-майгыны сэрэтэргэ уонна суох оҥорорго, баһаартан сэрэхтээх буолууга хамыыһыйа мунньаҕар эттэ. Айсен Николаев дьон-сэргэ доруобуйатын харыстыыр миэрэлэри муниципалитеттар таһымнарыгар ыларга соруйда. Баһаартан балаһыанньаны уустугунан сыаналаата, баһаардар сүрүннээн Уус Маайаҕа, Өлүөхүмэҕэ уонна Алдан оройуоннарыгар баалларын бэлиэтээтэ.
«Уопсайа 366 тыһ га иэннээх сиринэн барыта 127 ойуур баһаара бэлиэтэнэр. Билигин 264 тыһ га иэннээх сиринэн 59 ойуур уотун умулларыыга үлэ ыытылла турар. Баһаардар сүрүннээн үс оройуоҥҥа бэлиэтэнэллэр. Бу Уус Маайа, Өлүөхүмэ уонна Алдан оройуоннара буолаллар, манна уот хаппыт уопсай иэнэ 315 тыһ га. Итинтэн 200 тыһ га, ол эбэтэр улахан аҥаара Уус Маайа оройуонугар. Итинтэн уонна Хабаровскай кыраайга, Амур уобалаһыгар улахан баһаардартан Дьокуускайга, киин, өрүс уҥуоргу, Бүлүү бөлөх улуустарга хойуу буруо турар. Ол иһин, муниципалитеттар дьон-сэргэ доруобуйатын харыстыыр туһугар миэрэлэри ылалларыгар көрдөһөбүн. Доруобуйа харыстабылын тэрилтэлэрэ күүһүрдүллүбүт эрэсииминэн үлэлииллэрэ наада«, — диир Ил Дархан.
Үөһэ этиллибит үс оройуоҥҥа уоту умуруорууга 1244 киһи үлэлиир. Өрөспүүбүлүкэ салайааччыта ити улуустарга үлэни күүһүрдэргэ соруйда. Биллэринэн, бүгүн Уус Маайа оройуонугар Красноярскайтан «Авиалесоохрана» ФБУ десантниктара уонна 25 парашютист тиийэллэр. Оттон Үөһээ Халыма оройуонугар эмиэ улахан болҕомтону уурарга соруйда. Онно бу күннэргэ ардаҕа суох сылаас күн-дьыл турара ыйыллыбыта. Онон ити оройуоҥҥа 30 баһаарынньык бүгүн барар.
Маны таһынан, Айсен Николаев зондировщик-сөмөлүөт үлэтигэр туһунан сорудаҕы биэрдэ. «Полярные авиалинии» АХ «Атмосфера» Ан-26 салгын аала өрөбүл күннэргэ Өлүөхүмэ оройуонугар үлэлээбитэ. Улууска өр кэмҥэ тохтобул кэнниттэн ардах түспүт. Оттон бүгүн борт Уус Маайа уонна Алдан оройуоннарыгар ыытыллар.
Гидрометкиин начаалынньыга Татьяна Маршалик иһитиннэрбитинэн, буруо бу күннэргэ турар. Ол гынан баран сарсыҥҥыттан, өйүүҥҥүттэн саҕалаан хотугулуу-илин быһыы-майгы арыый көнөн барыа. Роспотребнадзор салгын киртийиитин кэтээн көрөр, кэмнээн көрүү күҥҥэ үстэ ыытыллар.
СӨ Ил Дарханын уонна Бырабыыталыстыбатын пресс-сулууспата
Ил Дархан Айсен Николаев Кириэмилгэ Владимир Путин бэрэссэдээтэллиир РФ Судаарыстыбаннай Сэбиэтин мунньаҕар кыттыыны ылла. Мунньахха…
Арассыыйа норуодунай артыыската Вера Алентова 83 сааһыгар олохтон туораата. Бу туһунан РИА-Новости иһитиннэрэр. Вера Алентова…
Ааспыт сууккаҕа өрөспүүбүлүкэҕэ биэс буруйу оҥоруу буолбутун туһунан СӨ Борокуратуурата иһитиннэрэр. Дьокуускайга суотабай төлөпүөнү уорбуттар.…
Саха сиригэр РФ Сэбилэниилээх Күүстэригэр хантараагынан байыаннай сулууспаҕа гражданнары сүүмэрдээһин үлэтэ салҕанар. Ахсынньы 16 күнүнээҕи…
Саҥа дьыл саҕана үгүс хаһаайкалары бырааһынньык остуола долгутар. Саҥа дьыллааҕы салааттар, ас-үөл барыта сыалаах-арыылаах. Бырааһынньык…
"Энтеромикс" вакцинаны чинчийии бастакы фазатыгар дозировкатын уонна тулуйумтуотун быһаарыахтара. Чинчийиини Арассыыйа доруобуйа харыстабылыгар министиэристибэтин Радиологияны…