2007 сылы кытта тэҥнээтэххэ, өрөспүүбүлүкэҕэ оҥоһуллар мэдиссиинэ үрдүк технологиялаах көмөтө 20 төгүл элбээтэ. Ол туһунан СӨ Доруобуйа харыстабылын министиэристибэтин кылаабынай хирура Василий Игнатьев “Якутия 24” ханаалга биэриигэ иһитиннэрдэ.
«Өскөтүн 2007 сыллаахха итинник көмөнөн Саха сирин 200 олохтооҕо туһаммыт буоллаҕына, 2023 сылга – 4 тыһыынчаттан тахса киһи”, — диэн Василий Игнатьев бэлиэтээн эттэ.
Ити өрөспүүбүлүкэҕэ үрдүк технологиялаах көмөнү оҥорор балыыһалар элбээбиттэрин кытта сибээстээх (10 эмтиир тэрилтэ). М.Е.Николаев аатынан Мэдиссиинэ национальнай киинигэр Сүрэх-тымыр киинэ аһыллан, кардиологияҕа уонна тымыр неврологиятыгар үрдүк технологиялаах саҥа ньымалары баһылаатылар. Саха сирин кардио-нейро уонна рентгенхирурдара тымырга уонна сүрэххэ 1485 эпэрээссийэни оҥордулар.
Дойду Бэрэсидьиэнэ Владимир Путин Арассыыйа олохтоохторун доруобуйаларын харыстааһын судаарыстыба дьоһун суолталаах соругунан буоларыгар эрэллээх.
Ааспыт сууккаҕа өрөспүүбүлүкэ үрдүнэн барыта 8 буруйу оҥоруу бэлиэтэммит. Дьокуускай уонна Ленскэй куораттарга түөкүннээһин туһунан…
Ыам ыйын 9 күнэ – Арассыыйа бары олохтоохторугар дириҥ өйдөбүллээх ытык күн. Бу күн сүһүөхтээх…
Байыаннай дьайыыга дьоруойдуу охтубут Аркадий Прокопьев анал сорудаҕы толорбутун иһин Арассыыйа Бэрэсидьиэнэ Владимир Путин ыйааҕынан…
Бэҕэһээ, ыам ыйын 9 күнүгэр, урукку сыллардааҕар үс күнүнэн эрдэлээн Ленскэй куорат аннынан өрүс эһиннэ.…
Саха сириттэн сылдьар Алексей Тарасов Улуу Кыайыы күнүгэр Москваҕа Кыһыл болуоссакка байыаннай параадка кыттыыны ылла.…
Бүгүн, ыам ыйын 10 күнүгэр, өрөспүүбүлүкэ илин, хотугулуу-илин, өттүгэр инчэҕэй хаар, хоту хаар кыралаан түһэрэ…