Мэдиссиинэ тэрилтэлэрин кытта куйаар нөҥүө быһаарсыахха сөп

Быйыл кулун тутар 1 күнүттэн Саха сиригэр «Якутск. Здоровье» уонна Саха. Здоровье» диэн мэдиссиинэ чааттара үлэлииллэр.
Бу медчааттары Telegram мессенджергэ булуохха сөп. «Бу дьону кытта медицинскэй тэрилтэлэр ыкса сибээстээхтик үлэлииллэригэр туһуланар сонун көрүҥ», — диэн доруобуйа харыстабылын миниистирэ Лена Афанасьева бэлиэтиир.

Бу сигэнэн киирэн бары кэрэхсиир ыйытыыларгын биэриэххин сөп.

https://clck.ru/33jApz — «Якутск. Здоровье» (Дьокуускай куоракка үлэлиир мэдиссиинэ тэрилтэлэрэ);

https://clck.ru/33jAq2 — «Саха. Здоровье» (улуустарга үлэлиир мэдиссиинэ тэрилтэлэрэ).

Бу сонун сүүрээн РФ Бэрэсидьиэнин гранын чэрчитинэн РФ Уопсастыбаннай балаататын өйөбүлүнэн олоххо киирбитэ.

Медчааттары кытта өрөбүл күнтэн ураты сарсыарда 8 чаастан киэһэ 20 чааска диэри быһаарсыахха сөп.