Мэдиссиинискэйгэ үөрэнэр устудьуоннар тус сыаллаах үөрэх дуогабарын түһэрсиэхтэрэ

Судаарыстыбаннай Дуума бастакы ааҕыыга тус сыаллаах дуогабарынан бүддьүөт миэстэтигэр үөрэнэр миэдик устудьуоннарга  эбэһээтэлистибэлэри  киллэрии туһунан сокуон барылын ылынна. Бу туһунан РИА-новости суруйар.

Онон,  мэдиссиинискэй исписээлинэскэ бүддьүөт миэстэтигэр үөрэнэр устудьуоннар үөрэххэ киирбит бастакы сылларыгар тус сыаллаах үөрэниигэ дуогабар түһэрсиэхтээхтэр.

«Федеральнай бүддьүөт харчытыгар  үөрэнэр устудьуоннар өскөтүн тус сыаллаах квота бырагырааматынан үөрэххэ киирбэтэх буоллахтарына, тус сыаллаах үөрэх дуогабарын түһэрсиэхтээхтэр», — диэн РФ доруобуйа харыстабылын миниистирин солбуйааччы Татьяна  Семенова  Судаарыстыбаннай Дуума пленарнай мунньаҕар эттэ.