Хаартыска: ЯСИА
Иркутскайтан Санкт-Петербурга көтөн иһэр сөмөлүөт иһигэр биир пассажир соһуччу өйүн сүтэрэн охтубут. Дьахтар дабылыанньата күүскэ түспүт. Кини олоҕун Саха сиринээҕи харах балыыһатын анестезист-медсиэстэрэтэ Суугунай Сарыада быыһаабыт, диэн ЯСИА иһитиннэрэр.
«Дьокуускай – Иркутскай – Санкт-Петербург рейсэтэ этэ. Биир кэмҥэ хаһыыны-ыһыыны истэн, тулабар дьон бөҕө мустубутун көрдүм. Көрбүтүм, биир дьахтар өйүн сүтэрэн охтубут. Кинини туруора сатаатылар, ол эрээри маннык түгэҥҥэ итинник гынар букатын сатаммат. Мин тута барытын бэйэм илиибэр ыллым. Дьахтар пульса олус мөлтөх, дабылыанньата намтаабыт этэ. Бортпроводниктартан аптечканы уонна кислороду көрдөөн ыллым, биир да мүнүүтэни сүтэрбэккэ хамсаныахха наада этэ», — диэн Суугунай Сарыада кэпсээтэ.
Кэнники быһаарыллыбытынан, пассажир анемиялаах эбит, урут өйүн сүтэрэр түгэнэ бэлиэтэммэтэх. Суугунай дьахтар туругар киллэрбит, көтүү бүтүөр диэри кэтээн көрбүт. Ол да буоллар, Суугунай бэйэтин дьоруойунан ааҕыммат. Медсиэстэрэ бэлиэтииринэн, киһи барыта кини курдук быһыыланыахтаах.
«Дьахтар төбөтө күүскэ эргийэр, саҥарара ыарахан этэ. Киниэхэ икки укуол туруорбутум. Сөмөлүөт түспүтүн кэннэ пассажиры быраастар илдьэ барбыттара. Стационар таһыгар маннык түбэлтэҕэ түбэһэ иликпин, реаниматологияҕа 25 сыл, оттон доруобуйа харыстабылын эйгэтигэр 30 сыл үлэлиибин. Ханнык баҕарар киһи мин курдук хамсаныа этэ дии саныыбын», — диир медсиэстэрэ.
Чурапчы улууһун борокуратуурата «Соловьев нэһилиэгэ» муниципальнай тэриллии дьаһалтатыгар хоруупсуйаны утары охсуһуу сокуон тутуһуллуутун бэрэбиэркэлээтэ. Бэрэбиэркэ…
Бөлүүн түүн Сиргэ Күн плазмата быраҕыллыбыта кэллэ, ол түмүгэр магнитнай буурҕалар саҕаланнылар. Бу туһунан РФ…
Саха Өрөспүүбүлүкэтигэр ыттары булгуччулаахтык учуокка туруоруу саҕаланна. Бу ирдэбил «Кыыллары кытта эппиэтинэстээхтик сыһыаннаһыы туһунан» федеральнай…
Ахсынньы 10-12 күннэригэр Саха сиригэр “Төрөөбүт дойду – Арассыыйа күүһэ” дойду үрдүнэн ыытыллар III муниципальнай…
Ахсынньы 11 күнүгэр Дьокуускайга Саха Өрөспүүбүлүкэтин Ил Дарханын иһинэн үлэлиир Олохтоох салайыныы сэбиэтин кэҥэтиллибит мунньаҕа…
Ахсынньытааҕы хамнаһы болдьоҕун иннэ, төлөнөр күнэ Саҥа дьыллааҕы бырааһынньыктарга түбэстэҕинэ, ылар кыах баар. Бу туһунан…