Мээндигигэ социальнай хантараагынан турбааза тутуллубут
![](https://sakha-sire.ru/wp-content/uploads/2023/02/c20b7051-1b90-4153-b54b-93faaa7026c7-960x596.jpeg)
Мээндиги сэлиэнньэтэ 100% киин ититии ситимигэр холбонон олорор. Ыаллар толору хааччыллыыга киирэн эрэллэр. Ол эрээри, саҥа дьиэлэр тутуллаллар, онон эбии хочуолунай наада курдук буолбут.
Манна Амма улууһун бары нэһилиэктэригэр курдук, уот кыамтата күүһүрэрин, гаас кэлэрин, суол оҥоһулларын туруорсаллар. Илин эҥээргэ Амма улууһа эрэ мөлтөх уоттаах арыыланан хаалан олорор.
![](https://sakha-sire.ru/wp-content/uploads/2023/02/bf2355ea-fbca-4945-a2db-e58466cfc592.jpeg)
![](https://sakha-sire.ru/wp-content/uploads/2023/02/2ce08f4c-953c-4aad-ab44-4d49a6599c4e.jpeg)
![](https://sakha-sire.ru/wp-content/uploads/2023/02/83c9d5ed-42ba-4b96-a147-0ae6ee590996.jpeg)
![](https://sakha-sire.ru/wp-content/uploads/2023/02/8921bc64-2f2e-4640-a39a-37eca69d8574.jpeg)
![](https://sakha-sire.ru/wp-content/uploads/2023/02/f1cab368-28f2-443b-8b80-233e15c928db.jpeg)
![](https://sakha-sire.ru/wp-content/uploads/2023/02/c785ac2f-dbb7-4790-9047-5548d519bf3c.jpeg)
![](https://sakha-sire.ru/wp-content/uploads/2023/02/48be7a0f-f0fd-4189-9928-f522af70a7f7.jpeg)
Маны тэҥэ, кулууп, спортивнай саала тутулларын, оскуола, уһуйаан, хапытаалынай өрөмүөннэнэрин, Амма төрдүгэр мас кэрдиллиитин, балбаах сокуонун, суол оҥоһуллуутун, септиктэртэн оборторуллубут убаҕаһы ханна гынар туһунан, о.д.а. ыйытыылар, этиилэр киирдилэр.
ОДьКХ миниистирин солбуйааччы Александр Корякин саҥа хочуолунай туһунан маннык быһаарда:
— Билигин төһө дьиэ саҥа тутуллубута биһиэхэ биллибэт. Кыбаартал курдук элбэх дьиэ буоллаҕына, толкуйдуохпут. Кэлэр сылларга спортивнай саала тутуллуохтаах, онно тэҥинэн кыра хочуолунайы тутар курдук дьаһаныахха сөп. Социальнай эбийиэктэр тутулуннахтарына, син биир хочуолунай наада буолар.
Мээндигигэ социальнай хантараак көмөтүнэн турбааза тутуллубут. Билигин кыһыннары үлэлии турар ыалдьыт түһэр дьиэтэ баар. Эдэр дьон өссө кэҥэттэр, туттар баҕалаахтар эбит да, уот ситимэ суоҕа мэһэйдиир. Уот лииньийэтэ чугас баар, РЭС-кэ сайаапка биэрбиттэр, ол эрээри уһун сылы быһа кэтэһиҥ диэбиттэр. Улуус баһылыга Степан Кузьмин бу боппуруоһу тус хонтуруолугар ылла.
Ааптар түһэриилэрэ.
Сообщить об опечатке
Текст, который будет отправлен нашим редакторам: