СӨ ситэриилээх былааһын отчуота бүгүн Амма улууһун Мээндиги нэһилиэгиттэн саҕаланна. Нэһилиэк «Алгыс» сынньалаҥ киинигэр арыый эрдэлээн тиийбиччэ нэһилиэнньэни кытта кэпсэтэбин.
Кулууп дириэктэрэ Светлана Попова мээндигилэр туох сонуннааххыт диэн сахалыы сиэринэн туоһулаһыыбар: «Олоҥхо ыһыаҕынан олоробут» — диэн баран сэһэргэһэ түһээт — миигин батыс, -диэт сыана кэтэҕин диэки сабыыны арыйан ыҥырар. Киирбитим — сиргэ кыл бөҕө тэлгэммит. «Быйыл Аммаҕа Олоҥхо ыһыаҕа буолар. Онон сибээстээн хас биирдии нэһилиэк 500 миэтэрэ ситии хатан туттарыахтаахпыт, 214 олбох тигиэхтээхпит. Манна барытыгар нэһилиэк уопсастыбанньыктара, түөлбэ салайааччылара, кулууп үлэһиттэрэ бары кыттабыт. Олус элбэх үлэлээх, үгүс бириэмэни эрэйэр эбит. Күн бүгүн 100 миэтэрэ бэлэм буолла. Сорохтор манна кэлэллэр, кыайан кэлбэт дьон дьиэтигэр хатар»- диэн кэпсиир.
Бу кэпсэтэ турдахпытына социальнай үлэһит Инесса Степанова киирэн: «Кыл ыла кэллим» — диэт саҥата суох бакыатын ороон тэниппитинэн барар. «Саастаах дьон Олоҥхо ыһыаҕар ситии хатарга кылла аҕал диэн көрдөспүтэ. Олоҥхо ыһыаҕар бэлэмнэниигэ нэһилиэнньэ барыта кыттар»- диэн кылгастык этэр.
Ити курдук Мээндиги нэһилиэгин олохтоохторо аҕыйахпыт дэспэттэр (үс сүүс киһини кыайбат) бэйэлэрин кыахтарынан Олоҥхо ыһыаҕар бэлэмнэниигэ сэмэй кылааттарын киллэрсэллэр.
Бүгүн, ыам ыйын 17 күнүгэр, Амма улууһугар Олоҥхо ыһыаҕын тэрийэр кэмитиэт мунньахтаата. СӨ Бырабыыталыстыбатын бэрэссэдээтэлин…
2024 сылга Саха сиригэр 76 социальнай эбийиэги тутары былаанныыллар. Олор истэригэр сорох тутуулар национальнай бырайыак…
Бүгүн Кэбээйи улууһун дьаһалтатын социальнай хантараагынан судаарыстыбаннай социальнай көмөнү оҥорууга хамыыһыйа быйылгы сыл 4 ыйынааҕы…
Былырыын Чурапчы улууһугар түөрт оҕоҕо бэйдиэ сылдьар ыттар саба түһэн эмсэҕэлэппиттэрэ. Бэйдиэ сылдьар ыттары көрүүгэ-истиигэ…
Өлүөнэ өрүскэ муус хойуутук устан Дьокуускай, Нам, Мэҥэ Хаҥалас оройуоннарынан ааһар. Уу таһыма Кангаласс микро-оройуонугар…
Бүгүн Ил Дархан Айсен Николаев Арассыыйа-Кытай ЭКСПО-ҕа РФ бэрэсидьиэнэ Владимир Путиҥҥа уонна Кытай норуодунай өрөспүүбүлүкэтин…