Хаартыска: Дмитрий Тихонов
Өбүгэ саҕаттан төрүттэммит үтүө үгэһинэн Үрдүк Айыылартан алгыс ылар Үрүҥ Тунах Ыһыах кэмэ үүннэ.
«Бүгүн Арассыыйаҕа Дьиэ кэргэн, өрөспүүбүлүкэҕэ Оҕо саас, Хара нэһилиэгэр Олоҥхо сылларыгар аналлаах улууспутугар 12-с төгүлүн ыытыллар «Үйэлээҕи үксэтэр, кэскиллээҕи кэҥэтэр Олоҥхо ыһыаҕынан» дьоммун-сэргэбин көрсөн, ытык аҕам саастаахтарбытын кытта алтыһан, алгыс түһэрэн сирбититтэн-дойдубутуттан, айылҕабытыттан күүс-уох ыллыбыт, туруу үлэһит дьоммутун бэлиэтээтибит.
Биһиги Олоҥхобут — биһиги уруккубут, билиҥҥибит уонна сарсыҥҥыбыт. Оҕолорбут, ыччаттарбыт улуу айымньыбытын олоҥхону ааҕалларын, чинчийэллэрин, толороллорун киэн тутта бэлиэтиибит. Күн бүгүн Хара нэһилиэгин үлэһит дьоно туруорбут олоҥхоһут, ССРС суруйааччыларын сойууһун чилиэнэ Николай Иванович Степанов — Ноорой «Оҕо Улуу Ньургун» олоҥхотуттан дьүһүйүүнү олус сэргии, астына көрдүбүт, илии-илииттэн ылсаммыт киэҥ түһүлгэни тэрийэн оһуохайдаатыбыт.
Бүгүҥҥү ыһыахпыт кыттааччыларыгар, улууспут бастыҥ олоҥхоһуттарыгар, оһуохайдьыттарыгар, спортсменнарбытыгар ситиһиилэри баҕарыаҕыҥ.
Улуу олоҥхобут уруйданнын, ытык-мааны ыһыахпыт айхалланнын!», – диэн бэйэтин телеграм-ханаалыгар Мэҥэ Хаҥалас улууһун баһылыга Дмитрий Тихонов санаатын үллэһиннэ.
Балаҕан ыйын 18-21 күннэригэр Дьокуускайга Преображенскай собуорга Сибэтиэй Боҕоруодьусса курун сорҕото аҕалыллан, дьоҥҥо көрдөрүүгэ туруоҕа.…
Бүгүн сарсыарда саайпытыгар Дьокуускай куоракка Сайсары күөлгэ 2000 с.т. эр киһи тимирбитин туһунан иһитиннэрбиппит. Күөл…
Балаҕан ыйын 26-28 күннэригэр Саха сиригэр аан бастаан Бүтүн Арассыыйатааҕы үҥкүү спордун күрэхтэһиитэ буолуоҕа, онно…
2025 сылга Саха сиригэр биэс муоста тутуллан бүтэрэ былааннанар. Бу туһунан тырааныспар уонна суол хаһаайыстыбатын…
Өлүөхүмэ куорат баһылыга Сергей Щебляков бэйэтэ баҕа өттүнэн астаапкаҕа барда. Бу туһунан "Өлүөхүмэ" оройуоннааҕы хаһыат …
Ыйытыы: РФ Үлэ кодексын 128 ыстатыйатынан көрүллүбүт, хамнаһа суох уоппуска хайдах бэриллэрий? Үлэни биэрээччи үлэһит…