Салгыы
Мээр Евгений Григорьев кыыһа эксээмэнин 97 баалга туттарбыт

Мээр Евгений Григорьев кыыһа эксээмэнин 97 баалга туттарбыт

12.06.2024, 09:35
Хаартыска: "Биир ньыгыл Арассыыйа" баартыйа саайта.
Бөлөххө киир:

Дьокуускай куорат аҕа баһылыга Евгений Григорьев улахан кыыһа математикаҕа Биир кэлим эксээмэни 97 баалга туттарда. Ол туһунан мээр телеграм-ханаалыгар суруйда.

Евгений Григорьев нуучча тылыгар Биир кэлим эксээмэҥҥэ 100 баалы ылбыт үөрэнээччилэри эҕэрдэлээтэ. Дьокуускайтан Степан Червяков (С.И. Климаков аатынан 24-с №-дээх оскуола), Матвей Пашкаускас (М.И. Кершенгольц аатынан 9-с №-дээх оскуола, Дмитрий Алексеев (Физическэй-тэхиньиичэскэй лиссиэй) 100 баалы ыллылар.

Дмитрий Алексеев нуучча тылыгар уонна математикаҕа 100-түү баалы ылбыта.

«Быйыл улахан кыыһым оскуоланы бүтэрдэ. Профильнай математикатын 97 баалга туттарбыта, 100 баалга кып-кыранан тиийбэтэ. Кыыспынан киэн туттабын!» — диэн Евгений Григорьев суруйар.

Санатар буоллахха, бу иннинэ пресс-кэмпириэнсийэҕэ Евгений Григорьев оҕолорун хайдах  иитэрин туһунан санаатын үллэстэн турар. Онно кини үс оҕотун сахалыы үгэһинэн иитэрин, дьиэ кэргэҥҥэ саха тылынан эрэ кэпсэтии быраабылатын киллэрбитин туһунан кэпсээбитэ. Оҕолоро сахалыы уһуйааҥҥа уонна оскуолаҕа сылдьаллар.

+1
10
+1
0
+1
0
+1
0
+1
0
+1
0
+1
0
Бары сонуннар
Салгыы
23 июля
  • 23°C
  • Ощущается: 23°Влажность: 64% Скорость ветра: 2 м/с

Сообщить об опечатке

Текст, который будет отправлен нашим редакторам: