Хаартыска: СИА
“Доруобуйа харыстабыла” национальнай бырайыак чэрчитинэн уонна Мэйии аан дойдутааҕы күнүнэн Мэйиини харыстааһын нэдиэлэтэ Арассыыйаҕа от ыйын 17-23 күннэригэр ыытыллар.
Саха сирин мэдиссиинискэй тэрилтэлэригэр араас тэрээһиннэр ыытыллыахтара. Тэрээһиннэргэ нэһилиэнньэ бэйэтин мэйиитин харыстыыра уонна мэйии функциялара кэһиллиитин кытары сибээстээх ыарыылары эрдэттэн сэрэтэрэ наадалааҕын туһунан иһитиннэриэхтэрэ.
Мэйиигэ сүрүн куттал – хаан эргиирин араас кэһиллиилэрэ. Арассыыйаҕа сыл аайы 450 тыһыынча курдук киһи инсуллуур. Саха сиригэр 2000 кэриҥэ киһи бу ыарахан ыарыыны аан бастаан билэр, кинилэртэн 20 бырыһыаннара эрэ урукку олоҕор төннөр, атыттар өлөллөр эбэтэр инбэлиит буолаллар.
Мэйии үлэтин харыстыырга өйү күүскэ үлэлэтэргэ, эт-сиин эрчиллиилэринэн дьарыктанарга, сөпкө аһыырга, стресстэн куотарга, табахтан, арыгыттан аккаастанарга сүбэлииллэр. Ону таһынан төбө ыарыыта, мэйии эргийиитэ, саҥарар саҥаҥ, көрөрүҥ, өйдүүр дьоҕуруҥ уларыйыыта курдук сибикилэр баар буоллахтарына, кэмигэр бырааска көрдөрүү улахан суолталаах.
Мэйии туругун харыстааһын нэдиэлэтэ биһиги сүрүн уоргаммытыгар –мэйиигэ ураты болҕомтону уурарбытыгар төрүөт буолуоҕа.
Арассыыйа олохтоохторо 2026 сылга мунньуллар биэнсийэлэриттэн 440 тыһыынча солкуобайы биир кэмнээхтик ылыахтарын сөп диэн РИА…
Дьокуускайга өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһин пленарнай мунньаҕын улуустартан уонна нэһилиэктэртэн кэлбит…
Киин куоракка икки күн устата өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһэ үгүс дьокутааты…
Ил Дархан туһаайан этиитигэр дьоҕус урбааны өйүүр боппуруоска болҕомтотун ууруо диэн, норуот дьокутаата, Ил Түмэн…
“Илии сылааһа” сыах (сал. Саввина И.Е.) филиала Куокуйдааҕы “Надежда” холбоһук (сал. Еремеева Т.У.) бу сылга…
Дьокуускайдааҕы полиция 1-кы №-дээх отделын дьуһуурунай чааһыгар олохтоох дьахтар кини аатыгар сокуоннайа суохтук 145 тыһ.солк.…