Мэйик эр дьоно күргүөмүнэн үлэ үөһүгэр

Бэҕэһээ Үөһээ Бүлүү улууһугар Мэйик тэрилтэлэрин эр дьоно нэһилиэк баһылыга Иван Яковлев салайыытынан субуотунньуктаатылар. 

Мэйик эр хоһууттара нэһилиэк кылабыыһатын күрүөлээтилэр уонна байыаннай дьайыы кыттыылааҕа Дмитрий Михайлович Иванов ийэтигэр — Дьоруой ийэҕэ, үлэ бэтэрээнигэр, Мэйик бочуоттаах олохтооҕор Марфа Ивановнаҕа мас киллэрдилэр.

Бу күннэргэ оскуола-уһуйааҥҥа (дириэктэр Саввинов Н.А.), Сынньалаҥ киинигэр (дириэктэр Васильев С.П.), хомунаалынай хаһаайыстыба (сал. Догуев Т.П.) кыстыкка бэлэмнэнэн эмиэ мас мастааһыныгар улахан субуотунньук күүтүллэр.
Бу курдук Мэйик нэһилиэгин эр дьоно күргүөмүнэн үлэни үмүрүтэллэр.

Хаартыскалар нэһилиэк дьаһалтатын тиксэриилэрэ