Хаартыска: А.Догуева тиксэриитэ
Үөһээ Бүлүү улууһун Мэйик нэһилиэгэр Өрөспүүбүлүкэ күнэ үрдүк тэрээһиннээхтик ааста.
Нэһилиэк баһылыга Иван Яковлев салайааччылаах тэрилтэ салайааччылара уонна нэһилиэк олохтоохторо өрө күүрүүлээхтик бары Өрөспүүбүлүкэ күнүн сахалыы таҥастаах саха былааҕын өрө тутан таҕыстылар. Параат кэнниттэн нэһилиэк Сынньалаҥ киинигэр (дириэктэр Васильев С.П.) Саха национальнай архыыбын докумуонугар олоҕуран уонна нэһилиэк Сэбиэтин дьокутааттарын быһаарыытынан, Мэйик сүрүн оскуолата төрүттэммит сылын 1913 сыл муус устар 27 күнүгэр диэн бигэргэтэр үөрүүлээх түгэнэ буолла.
Олохтоохтор оскуола төрүттэниитин туһунан инсценировка көрдөрдүлэр, оскуола төрүттэммит сылын өр кэмҥэ үөрэппит, туруорсубут ытык киһи Владимир Афанасьевич Федоров тылларыгар, биир дрйдулаахпыт Виктор Туманов мелодиятыгар «Маҥнайгы оскуола» диэн улахан хорунан түмүктэннэ. Ону сэргэ Санкт-Петербург курдук Арассыыйа улахан куоратыгар Мэйик сүрүн оскуолатын нуучча тылын учуутала Александра Никифоровна Федорова научнай- инновационнай конференцияҕа баран үөрэнээччилэринээн чыпчаал ситиһиилэнэн кэлбиттэрин чиэстээтилэр. Нэһилиэк баһылыгын уонна оскуола диэриэктэрин Николай Анисимович Саввинов махтал суругун, сэмэй бэлэҕин туттулар. Бэлиэ күн улахан оһуохайынан түмүктэннэ.
Бу курдук Өрөспүүбүлүкэ күнэ Мэйик нэһилиэгэр үрдүк таһымнаахтык ааста.
Хаартыскалар: А.Догуева тиксэриитэ
ИДьМ сулууспатын 1 №-дээх полициятын отделын дьуһуурунай чааһыгар куорат таһынааҕы олохтооҕо тыллаабыт. Эр киһи массыыната…
Cаҥа дьылы кэтэһии бырааһынньыктааҕар ордук үчүгэй, күүтүүлээх, күндү курдук буолар. Оннук күндү кэтэһиини биһиги бэйэбит…
Ил Дархан Айсен Николаев бэрэссэдээтэллээх “Кыайыы туһугар бииргэ!” өрөспүүбүлүкэтээҕи хамыыһыйа мунньаҕар, байыаннай дьайыыга кытта сылдьар…
Ааспыт нэдиэлэҕэ Хотугулуу-Илиҥҥи федеральнай университекка үрдүк үөрэх кыһатын мэдиссиинэ институтун бэрэстэбиитэллэрэ үөрэххэ туттарсааччылары, төрөппүттэри, педагогтары…
Айсен Николаев Саха сирин норуоттарын муусукатын уонна фольклорун түмэлигэр РФ култууратын үтүөлээх үлэһитэ, өрөспүүбүлүкэ норуотун…
ИДьМ сулууспатын Сунтаар улууһун отделын холуобунай ирдэбил үлэһиттэрэ 24 саастаах олохтоох киһи баантан харчыны уорбутугар…