Мэйик ыччата — Кыайыы 80 сылын көрсө

Үөһээ Бүлүү улууһун Мэйик нэһилиэгэр Улуу Кыайыы 80 сылынан элбэх тэрээһин ыытыллар. Нэһилиэк олохтоохторо, эдэриттэн эмэнигэр тиийэ көхтөөхтүк кытталлар.

Бу күннэргэ Улуу Кыайыы 80 сылын көрсө Мэйик нэһилиэгин баһылыга Иван Яковлев салайыытынан тэрилтэ үлэһиттэрэ уонна оскуола улахан кылааһын уолаттара (дириэктэр Н.А. Саввинов) тэйиччи сытар Сис-Мэйигэ диэн сиргэ диэри сүүрэн кэллилэр. Сүүрүү кыттыылаахтара ону сэргэ Сис-Мэйигиттэн «Ворошилов» уонна 2-с байыас колхуостартан 1941 сыллаахха сэриигэ барбыт дьоҥҥо туруоруллубут кэриэстэбил пааматынньыгы сөргүттүлэр.

Бу күн оҕолор олохторугар биир бэлиэ күнүнэн хаалара саарбаҕа суох диэн Мэйик нэһилиэгин дьаһалтата иһитиннэрэр.