Хаартыска А.А. Догуева тиксэриитэ.
Үөһээ Бүлүү улууһун Мэйик нэһилиэгэ былыр-былыргыттан ыалдьытымсаҕынан биллэр. Дэриэбинэ ортотугар анаан айыллыбыт, кэрэ көстүүлээх, хатыҥ чараҥнаах ыһыахтыыр пааркатын сылдьыбыт эрэ бары кэрэхсиир.
Быйылгы Улуу Кыайыы 80 сылынан Мэйик нэһилиэгэр үбүлүөйдээх ыһыахха бэлэмнэнии тэрээһинин үлэтэ саҕаланна. Хамыыһыйа тэриллэн, мунньахтаан, сүбэлэһэн баран, ыһыах бэс ыйын 28 күнүгэр былааннанна.
Бэҕэһээ, ыам ыйын 23 күнүгэр нэһилиэк баһылыга Иван Яковлев салайыытынан тэрилтэлэр бары тахсан паарка ыраастааһыныгар субуотунньуктаан, бөх хомуйдулар, ыһыллыбыт, охтубут мастары дьаһайдылар.
Түмүккэ нэһилиэк аҕа баһылыга ыһыахпытын ыраас, сырдык түһүлгэлээх көрсүөҕүҥ диэн нэһилиэк олохтоохторугар ыҥырыы таһаарда. Ону ситэрэн Михаил уонна Сардаана Хаччагаевтар төрөөбүт Мэйиктэрин нэһилиэгин пааркатын тупсарар сыаллаах, сибэкки арассаадатын бэлэх биэрэллэрин туһунан иһитиннэрэн, дьон-сэргэ үөрүүтүн үрдэттилэр.
«Ити курдук ыраах-чугас олорор биир дойдулаахтарбыт төрөөбүт дойдубут, тапталлаах Мэйикпит, сайда үүнэ-чэчирии турарыгар сүҥкэн кылааттарын киллэрэн, өрүү көмө-тирэх буола туралларыттан олус үөрэбит уонна барҕа махталбытын тиэрдэбит! Итини этэн туран, бар дьоммутугар уйгулаах-байылыат, дьоллоох олоҕу баҕарабыт!», — диэн Мэйик нэһилиэгин дьаһалтата махталын тириэрдэр.
От ыйын 31 күнүгэр сарсыарда 8 чаас саҕана «Нам» айан суол 10-с биэрэстэтигэр массыыналар харсыһыыларынан…
Аллайыахаҕа хайдах күн-дьыл буолбутун туһунан Чокуурдаах олохтооҕо Иван Иванов маннык суруйда: -- Биһиэхэ сайыммыт бүттэ.…
Бу күннэргэ анал байыаннай дьайыы зонатыгар гуманитарнай сырыыларынан Үөһээ Бүлүү улууһун дэлэгээссийэтэ Запорожскай уобаласка биир…
Дьокуускайга Залог оройуонугар “3 №-дээх оскуола” тохтобулугар түспүт дьон Тимирязев уулусса диэки барыыга эрэйдэнэллэр. Маннык…
Өрөспүүбүлүкэҕэ «Мак-2025» биэдэмистибэлэр икки ардыларынааҕы суһал-сэрэтэр тэрээһин бастакы түһүмэҕэ ыытылынна. Онно өрөспүүбүлүкэ быраабы араҥаччылыыр структураларын…
Арассыыйа Киин быыбардыыр хамыыһыйата "Госуслуги" нөҥүө "дьиэҕэ куоластыыр" туһунан сайабылыанньаны тутуу бэрээдэгэр уларытыылары киллэрдэ. 2025…