Мэлдьэхси Суолатыгар — үс көлүөнэ отчуттар

Мэҥэ Хаҥалас улууһун Мэлдьэхси Суолатын олохтоохторо күнү-дьылы баттаһа оттуу сылдьаллар.

— Быйыл нэһилиэккэ оппут былаана — 1764 тн. Билигин 648 туонна оту чөкөттүбүт. Бааһынай хаһаайыстыба салайааччыта Неустроев Николай Николаевич  мобильнай биригээдэ тэринэн, бэҕэһээҥҥиттэн өрүс арыытыгар киирдэ, — диэтэ нэһилиэк тыа хаһаайыстыбатын исписэлииһэ Марьяна Иванова.

Оттон бу хаартыскаларга көрөр отчуттаргыт Герасимов Семен Алексеевич бэйэтэ, уолаттара Алексей, Серафим, Семен, Константин, Иван уонна сиэннэрэ буолан, Күүлэлээх алаастарыгар от кэбиһэ сылдьаллар.

Холкуос, сопхуос саҕана Семен Алексеевич от бөҕөнү оттообут тырахтарыыс бэрдэ эбит.

Хаартыска: М.Иванова ыытта