Мелиорацияҕа сайаапка түһэриэхтэрэ

Горнай улууһугар быйыл сорох оттуур сирдэрэ ууга сытар буолан, хайыы үйэ эһиилги оттооһун туһунан толкуйдаан, бэлэмнэнэн эрэллэр.

Ол курдук, нэһилиэктэринэн ууга барбыт сирдэри чопчулаан, төһө иэннээх үлэ ыытыллыахтааҕын быһаараллар. Ол кэнниттэн, мелиорацияҕа сайаапка түһэриэхтэрэ. Оччоҕуна барыта табылыннаҕына ууну түһэрии үлэтэ барыаҕа.

От ыйын 24 күнүнээҕи туругунан, улуус отчуттара былаантан 13,5  % толордулар. Оттооһуҥҥа эмиэ ардах мэһэйдээтэ. Ол эрээри атын нэһилиэктэргэ тэҥнээтэххэ, кировскайдар балачча тэтимнээхтэр.

Хаартыска: Аксиния Шестакова түһэриитэ